ФАКТОР НА ДЕНОТ: Борбата со пожарите трае, се стега обрачот околу Мачево

Добивај вести на Viber

ПОЖАРИТЕ СЕ ВО КРИТИЧНА ФАЗА ВО МАЛЕШЕВИЈАТА 

Пожарникарите и доброволците со крајни напори се обидуваат да го стават под коонтрола пожарот во пехчевско-беровскиот крај.

Како што јави екипата на ТВ 24, пожарот успеал да зафати дел од објектите од селото Мачево, но неговиот налет бил прекинат. Пожарот го гасеа и три хеликоптери кои како наближува ноќта ќе мора да се повлечат.

Ситуацијата во сeлото Мачево ескалира, три хеликоптери се упатени таму, соопшти претходно, директорот на Центарот за управување со кризи Стојанче Ангелов, на својот Фејсбук профил.

Пожарот може да се префрли кон Бугарија, објаснуваат од Центарот за управување со кризи. 

ЗАЕВ Е НА ОДМОР, СРБИТЕ ЌЕ ПОМАГААТ ДОДЕКА ТРЕБА

Од Владата информираат дека премиерот Зоран Заев користи денови од годишниот одмор до 12 август, но дека е во постојана телефонска и интернет координација со сите ресорни министерства и надлежни институции. Од таму велат дека дел од членовите на Владата во периодот од 3 до 12 август веќе ги користат деновите од годишен одмор.

„Владата секојдневно ги извршува сите свои функции, а согласно состојбата со пожарите министрите секојдневно заседаваат и одржуваат седници преку онлајн видео конференциска врска и навремено и непречено ги носат сите потребни одлуки“, соопшти Владата. 

РАСТЕ БРОЈОТ НА ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 5.959 тестирања, а регистрирани се 325 нови случаи на КОВИД-19:

Скопје – 101, Тетово – 95, Гостивар – 43, Куманово - 26, Струга - 10, Охрид, Дебар и Кичево – по 7, Прилеп, Кочани и Македонски Брод – по 4, Струмица, Радовиш и Пехчево – по 3, Кавадарци и Штип – по 2, Битола, Велес, Берово и Виница – по 1.

Регистрирани сe 11 оздравени пациенти од: Скопје – 6, Куманово – 2, Тетово, Гостивар и Валандово – по 1.

ЧИТАЈТЕ УШТЕ

Во изминативе неколку дена евидентно расте бројот на новозаразени во Македонија, а истовремено, иако со поспоро темпо, се зголемува и бројот на пациентите на кои им е потребно болничко лекување.

Термоелектраната ТЕ-ТО АД во ревидираниот финансиски извештај од независен ревизор објави дека го исплатила долгот кон државата за повеќе од милијарда денари, откако претходно долго време се наоѓаше на листата на најголеми должници кон Управата за јавни приходи.

Синцеритас АД Скопје е компанија од светот на производство и трговија со медицински канабис и ќе влезе во нашата корпоративна историја како прва компанија производител на медицински канабис чија акција се тргувала а нашата берза. Цената е едно евро за акција! Дали е багателна ??? Ќе покаже времето