ФАКТОР НА ДЕНОТ: Денес има скоро 1.200 заразени, но и 9 случаи на омикрон
Објавено во: Македонија 04 Јануари, 2022
РАСТЕ БРОЈОТ НА ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа се направени се 7.483 тестирања, а регистрирани се 1.197 нови случаи на КОВИД-19: Скопје – 766, Битола – 94, Прилеп – 56, Кавадарци – 38, Велес – 31, Охрид – 24, Гевгелија – 23, Куманово – 18, Ресен – 16, Тетово – 15, Штип и Струмица – по 12, Кочани – 11, Кичево, Неготино, Крива Паланка и Радовиш – по 10, Делчево и Валандово – по 7, Струга и Богданци – по 5, Гостивар и Свети Николе – по 4, Македонски Брод – 3, Берово, Пробиштип, Демир Хисар, Крушево, Демир Капија и Дојран – по 1.
Регистриран e 331 оздравен пациент од: Скопје – 174, Прилеп – 30, Битола – 21, Кавадарци – 16, Охрид – 13, Штип – 12, Гевгелија и Куманово – по 9, Струмица – 8, Велес, Ресен, Крива Паланка, Радовиш и Демир Капија – по 4, Тетово, Кочани и Делчево – по 3, Неготино и Валандово – по 2, Кичево, Македонски Брод, Пробиштип, Дојран, Виница и Кратово - по 1.ИМА И 9 ЗАРАЗЕНИ СО ОМИКРОН
Министерството за здравство ја информира јавноста дека во лабораторијата за вирусологија на Институтот за јавно здравје се направени анализи за детекција на сојот Омикрон на вирусот SARSCoV2.
„Во лабораторијата изработени се 24 примероци позитивни на SARSCoV2, примероците се од пациенти од Скопје, Кочани, Велес, Гевгелија и Богданци. Од вкупниот број тестирани, кај 9 пациенти, детектирана е Оомикрон варијантата на вирусот, што изнесува 37,5% од позитивните примероци. Сите позитивни пациенти се од Скопје, а еден е од Кочани“, соопштија од Министерството за здравство.БУГАРСКИТЕ ВЛАДЕЈАЧКИ ПАРТИИ СЕ ОГРАДИЈА ОД ТРИФОНОВ
Трите партии од владејачката коалиција - Продолжуваме со промените, БСП и Демократска Бугарија, силно се разликуваат од ставот на лидерот на Има таков народ Слави Трифонов за нашите односи со РС Македонија, пренесе БГНЕС.
Трифонов вчера во својот пост го поврза почетокот на преговорите за членство на РСМ во ЕУ со укинувањето на визите за САД и влезот на Бугарија во Шенген.
Андреј Ѓуров, претседателот на Продолжуваме со промените истакна дека Бугарија има јасен став за односите со Македонија.КАМЧЕВ ЌЕ ИЗЛЕЗЕ ОД ПРИТВОР
Бизнисменот Орце Камчев вечерва или најдоцна до утре ќе излезе на слобода, бидејќи Апелација му го укина притворот, потврдуваат од судот за „Фокус“.
-На притворениот му е уважена жалбата, решението е преиначено, односно прифатена е гаранцијата и укината е мерката притвор, одговорија од Апелација.ШТИПСКИОТ ГРАДОНАЧАЛНИК НЕ ГО ПОСЕТИ ПРВОТО РОДЕНО БЕБЕ, НАИДЕ НА ЗАТВОРЕНИ ВРАТИ
Во Штип се роди првото новороденче во новата година. Се роди девојче тешко четири килограми и 200 грама, принова во семејство од Радовиш.
Штипскиот градоначалник Иван Јорданов денеска дојде во Клиничката болница, но остана пред врата. Тој за овој натан информираше и на социјалните мрежи.KAMИКАЗА ДАДЕ ОДГОВОР
Петар Георгиевски, независниот кандидат за градоначалник на Скопје со поддршка од „Левица“, објави на Фејсбук дека неговата фирма добила 14.000 евра од Град Скопје за организација на дочекот на Новата Година.
„Eпа јас со бројки ќе ве удостојам!!!14 000 евра на спрема 165 000 на Шилегов за организација и озвучување!!!! ....Кривична пријава од антикорупциска имате за нова година !!!Значи ни 8 посто од сумата на Шилегов не чинеше оваа нова година!“, напиша меѓудругото популарниот Перо Камиказа, алудирајќи на потрошената сума на Град Скопје за дочекот на 2020.ЧИТАЈТЕ УШТЕ