ФАКТОР НА ДЕНОТ: Има промени во разговорите меѓу Русија и Украина, Зеленски вели дека компромисите би оделе на референдум

Добивај вести на Viber

НОВИ МОМЕНТИ ВО РАЗГОВОРИТЕ МЕЃУ РУСИЈА И УКРАИНА

Сите компромиси со Русија ќе треба да бидат ставени на референдум во Украина, вели украинскиот претседател Володимир Зеленски. 

Коментарот Зеленски го даде за време на интервју за украинскиот радиодифузер Суспилне. 

„Украина не може да прифати никакви руски ултиматуми за запирање на војната“, изјави Зеленски во интервју за украинската радио телевизија.

Вели дека Москва, на пример, сакаше градовите Харков, Мариупол и Киев да се предадат. 

„Но, ниту жителите на Харков, ниту оние на Мариупол, ниту оние на Киев, ниту јас како претседател, не можеме да го сториме тоа“, нагласи тој.

Зеленски во вторник ќе се обрати пред италијанскиот парламент преку видео врска, а во среда пред францускиот парламент.

Напади имаше во Одеса, Киев, Запорожје. 

Руските сили погодија автобус со цивили. 

Гувернерот на украинската област Запорожје, Олександр Старух денеска изјави дека во одвоени инциденти повредени се четири деца.

Има промени во преговорите меѓу Русија и Украина. 

„По 26 дена војна, има одредени промени во мировните преговори“, изјави украинскиот преговарач Михајло Подољак за Би-Би-Си. 

БЕЛОРУСИЈА МОЖЕ ДА ЈА НАПАДНЕ УКРАИНА?

Висок разузнавач на НАТО вели дека Белорусија, близок руски сојузник, наскоро би можела да ја нападне Украина и се подготвува да и дозволи на Русија да распореди нуклеарно оружје на белоруска територија. 

ДЕНЕС ИМАМЕ ПОМАЛКУ ОД 100 ЗАРАЗЕНИ СО КОВИД

Министерството за здравство информира, согласно податоците од Институтот за јавно здравје дека во последните 24 часа:

Направени се 965 тестови, а регистрирани се 64 нови случаи на КОВИД-19: Скопје – 50, Прилеп и Кавадарци – по 5, Битола, Тетово, Крива Паланка и Виница – по1.

ЧИТАЈТЕ УШТЕ

Дарина Фес, украинска уметница, за да се спаси од војната, прво го напуштила главниот град на Украина, Киев, потоа заминала во Лавов, за да на крај отиде во Унгарија заедно со својата свекрва, каде сега почнала да работи со цел да си помогне себеси и на семејството.

Како Европа и поголем дел од светот ќе се справат со огромните кусоци на пченица, пченка, сончогледово масло? И како ќе се соочиме со најсилниот удар врз проиводството на храна кој ќе го диктира целосната забрана за увоз на вештачки ѓубрива (фертилизатори) во комбинација со изгор-скапиот природен гас кој е неопходен во производството на уреа?

Ќе има нови вработувања во Министерството за одбрана. Во таа институција објавен е оглас за прием на шест нови кадри, чии плати ќе се движат од 22 до 33 илјади денари.

Алија Камбероски, поранешен пратеник на владеачката коалиција од изминатиот состав, стана в.д.директор на Дирекцијата за радијациона сигурност на местото на Светислав Ѓорѓевиќ со решение од Владата.

Од една криза, светот влезе во уште поголема неизвесност откако Русија почна инвазија на Украина. Сведочиме на раст на цените на енергенсите, на електричната енергија, но и на многу неизвесности за кои тешко може да се предвиди колку ќе се длабоки и колку ќе траат.

Денеска и официјално почнува караванот за вакцинација против корона вирусот, а целта на здравствените власти е што поголем процент на вакцинирано население. Сепак, граѓаните кои и досега не успејаа со ништо да ги убедат да се вакцинираат, велат дека во ситуација на се постабилна епидемиолошка состојба, нема логика да го сторат тоа.