ФАКТОР НА ДЕНОТ: Има решение за парното греење, радијаторите остануваат топли до крајот на грејната сезона
Објавено во: Македонија 14 Јануари, 2022
ИМА РЕШЕНИЕ ЗА ПАРНОТО ГРЕЕЊЕ
Заменикот на претседателот на Владата задолжен за економски прашања, координација на економските ресори и инвестиции, Фатмир Битиќи изјави дека почна процесот за решавање на пробелемот со парното греење.
Вели дека Владата го заштити интересот на граѓаните.
„Радијаторите ќе останат топли до крајот на грејната сезона“, рече тој.
Министерот за економија, Крешник Бектеши вели дека проблемот е решен и ќе има непрекината испорака на парно греење. Донесена е уредба за прогласување на кризна состојба, и Владата ќе обезбеди средства за субвенции на сметки за топлинска енергија. Владата преку ЕСМ ќе го стабилизира пазарот.
„ТЕ-ТО ќе произведе дополнителна топлинска енергихја, покрај електричната, со што ќе се обезбеди квалитетно и исплатливо снабдување“, рече министерот.
Ќе има деловно техничка соработка помеѓу БЕГ и ЕСМ.ВИСОКА БРОЈКА НА ЗАРАЗЕНИ СО КОРОНАВИРУСОТ
Министерството за здравство информира, согласно податоците од Институтот за јавно здравје дека во последните 24 часа:
Направени се 6.928 тестови, а регистрирани се 1.732 нови случаи на КОВИД-19:
Скопје – 788, Битола – 159, Прилеп – 95, Куманово – 79, Охрид – 57, Кавадарци – 47,
Велес – 45, Кичево – 38, Тетово – 35, Штип – 34, Струмица – 33, Ресен – 31, Гостивар – 30, Неготино – 29, Гевгелија – 27, Кочани – 26, Радовиш – 24, Делчево и Крушево – по 20, Струга – 18, Валандово – 16, Демир Хисар – 14, Свети Николе – 13, Берово – 12, Богданци – 11, Крива Паланка – 10, Пробиштип – 5, Дебар, Виница и Кратово – по 3, Македонски Брод, Демир Капија и Македонска Каменица – по 2, Пехчево - 1 .БЕБЕ ПОЧИНАЛО ОД КОРОНА
ИЈЗ денеска во извештајот доставен до МЗ, пријави починато дете на шест месечна возраст, кое во регистарот Мој Термин е заведено дека починало на 03.01.2022. Според податоците добиени од Клиниката за детска хирургија, станува збор за дете со вродена аномалија на черепот. Доенчето е примено на Клиниката за Неврохирургија заради оперативна интервенција. По добивање на ковид позитивен тест, детето е ставено во изолација на респираторна машина и е ординирана соодветна терапија. Со цел постоперативно третирање детето е хоспитализирано на Клиника за детска хирургија. По континуиран период на лоша општа состојба (со настаната респираторна и хепатална инсуфициенција и тестови со наод во прилог на дисеминиранта интраваскуларна коагулопатија) во текот на престојот на Клиниката, на 03.01.2022 доаѓа до дополнително влошување на општата состојба. Лекарите на Клиниката ги превземале сите мерки за интензивно лекување и реанимација, но и покрај тоа малиот пациент почина.
67 АВГАНИСТАНЦИ СТИГНАА ВО МАКЕДОНИЈА
На Меѓународниот аеродром Скопје денеска пристигна група од 67 граѓани на Авганистан, вработени во организациите Национален демократски институт (NDI) и Националната фондација за демократија (NED) и членови на нивните семејства.
Од Владата велат дека продолжувајќи ја својата активна улога на солидарна земја, Северна Македонија им обезбеди привремен престој до заминување во трета држава. Ова е дел од меѓународната операција за помош на демократското авганистанско население кое е во опасност од талибанските власти.
МИЈАЛКОВ ПОВТОРНО ЗАРАЗЕН СО КОВИД
Сашо Мијалков, поранешниот директор на УБК, денеска не присуствуваше на рочиштето за случајот „Плацеви на Водно“ откако неговата одбрана пријави дека бил позитивен на Ковид-19.
На 14 октомври 2020 објавено беше дека е позитивен за рочиштето во случајот „Таргет Тврдина“, а во меѓувреме на крајот од февруари 2021 рече дека не сакал да бега од земјата, туку дека бил во изолација од здравствени причини.ЧИТАЈТЕ УШТЕ