ФАКТОР НА ДЕНОТ: Мицкоски вели дека ниту еден бегалски шатор нема да има, СДСМ ја отвори петицијата

Добивај вести на Viber

МИЦКОСКИ ВЕЛИ ДЕКА НЕМА ДА ИМА МИГРАНТИ ВО МАКЕДОНИЈА

Oпозицијата тврди дека Македонија ќе прими мигранти од Британија, а премиерот Христијан Мицкоски негира дека тоа ќе се случи. 

Вели дека во никој случај нема да прифати такво нешто. 

„Ги гледам овие салта и гимнастики кои ги прави опозицијата. Не само што не е вистина, туку за мене претставува чудно во отсуство на било каква идеја, која може да мобилизира или да придонесе во рамките на општестениов живот, вие за таа тема да вадите ваква кампања и тоа против партија од каде почива фундаменталната тема на политиките да се бориме против илегалната миграција“, рече премиерот. 

СДСМ ЈА ОТВОРИ ПЕТИЦИЈАТА ПРОТИВ ПРИЕМ НА МИГРАНТИ

СДСМ ја отвори онлајн петицијата против како што тврдат плановите на власта за носење мигранти од Британија во Македонија, а потпишувањето ќе трае 30 дена. 

Со отворањето на веб-страницата, граѓаните треба да остават име и презиме, телефонски број или електронска адреса или, пак, може да ја одберат опцијата да се потпишат анонимно. Можат да остават и коментар. 

ВЛАДАТА МУ ПРЕДЛОЖИ НА СОБРАНИЕТО ДА ГО РАЗРЕШИ КОЦЕВСКИ

Портпаролката на Владата, Марија Митева денеска изјави дека на седница е усвоен предлогот за разрешување на јавниот обвинител Љупчо Коцевски. 

Вели дека причините се јавно познати. Додава дека Коцевски направил крупни професионални грешки, неовластено изнесувал информации за судски предмети, го нарушил личниот и угледот на обвинителството. 

„Беше усвоен предлогот за разрешување на Љупчо Коцевски од функцијата јавен обвинител со што ја продолжуваме постапката која согласно законските ограничувања беше привремено стопирана во изборниот период. Причините за оваа иницијатива се јавно познати повеќепати до сега ги имаме образложено како Влада, доследно, транспарентно и во интерес на заштита на институционалниот интегритет и одговорност. Нашата цел останува недвосмислена. Јакнење на правната држава и обезбедување на непречено функционирање на органите во служба на граѓаните“, изјави Митева. 

РОДИТЕЛИТЕ НА ЗАГИНАТИТЕ ОД КОЧАНИ ГИ ПРАШАА ВЛАСТИТЕ ШТО БИ ПРАВЕЛЕ АКО СЕ РАБОТЕШЕ ЗА НИВНО ДЕТЕ

На комисијата во Собранието за трагедијата во Кочани денеска имаше прашања до премиерот Христијан Мицкоски и државниот врв како тие би се однесувале доколку би се нашле  во една таква ситуација, но и кој ќе понесе одговорност за пожарот во дискотеката „Пулс“. 

Вакви прашања упатија родителите. 

ЧИТАЈТЕ УШТЕ

Фондот за пензиско и инвалидско осигурување преку јавен оглас бара раководител за правна служа, а лицето кое ќе ја добие оваа позиција ќе има солидна плата, особено имајќи ги предвид платите во земјава. 

Министерството за финансии конечно ги објави резултатите од работењето на националните јавни претпријатија и акционерски друштва за второто тримесечје од оваа година, во чии рамки може да се потврди дека АД ЕСМ за еден квартал повторно направи голема загуба - ввој пат од 32 милиони евра.

Да се расте дете во Македонија  родителите ги чини од 150.000 до 200.000 денари годишно, што значи од 12.000 до 16.000 денари месечно, соопштија неодамна од „Центарот за еднаквост и правда“, откако анкетирале 650 родители со деца на различна возраст.