ФАКТОР НА ДЕНОТ: Не го дочека лекот трикафта, почина Благојче Илиевски

Добивај вести на Viber

ПОЧИНА БЛАГОЈЧЕ ИЛИЕВСКИ ЧЕКАЈЌИ ГО ЛЕКОТ ТРИКАФТА

Најтешко болниот пациент од реткото заболување цистична фиброза, Благојче Илиевски, почина. Жалната вест за Фактор ја потврдија од Здружението за цистична фиброза, а нашиот медиум утринава објави тема под наслов  “ТРИКАФТА – КОГА И ЗА КОГО? За некои од пациентите може да биде и предоцна“.

Во овој текст Благојче ја даде неговата последна изјава полна со надеж дека ќе биде меѓу првите осум пациенти кои ќе го добијат овој лек.

Пациентите од Асоцијацијата за цистична фиброза утре во 14 часот ќе бидат пред Владата. 

ДВА БРАЧНИ ПАРА ГО КАМЕНУВАЛЕ МАКЕДОНСКИОТ КЛУБ

Македонскиот клуб во Благоевград го каменувале два брачни пара. Двајцата мажи кои полицијата ги приведе поради каменувањето на Македонскиот културен клуб „Никола Вапцаров“ викендов, се вработени во општинското комунално претпријатие „Озеленување“. 

ВО ТУРЦИЈА И СИРИЈА НАД 11.000 ЗАГИНАТИ

Во Турција шест луѓе се спасени од под урнатините каде поминале 60 часа. 

Меѓу нив има и две деца на возраст од 4 и 7 години,  јави Си-Ен-Ен Турк. На снимката се гледаат здравствени службеници како трчаат кон урнатините во градот Кахраманмараш. Неколку минути подоцна тие покажаа член на спасувачкиот тим како носи дете со кратка, кадрава коса.

ЧИТАЈТЕ УШТЕ

СДСМ е на чекор да го стабилизира парламентарното мнозинство и најверојатно да  обезбеди мирно привршување на мандатот на премиерот Ковачевски. Но, паднатиот рејтинг на партијата влева сомнеж дали актуелната политика на власта е исправна и колку има целосна поддршка од гласачкото тело кое и даде доверба да формира Влада. 

Градбите кои се изградени во нашата земја по 2014 година се посигурни бидејќи се градат според нови законски одредби кои бараат придржување кон построги правила за градба, и кои се контролирани за отпорност при потреси. Ова го истакна Михаил Гаревски, директор на Институт за сеизмички отпорни гради и климатски промени (ИСОГКП). 

Познат е износот на еврообврзницата која сака да ја издаде земјава на меѓународниот пазар, а за која завчера се претстави пред инвеститорите. Според информациите на Фактор, Владата во Службен весник објавила дека ќе се задолжи преку еврообврзница на сума не повисока од 800 милиони евра.

Конзорциумот „Бехтел и Енка“ кој ќе ги гради новите автопатски делници од Коридорот 8 и Коридор 10-д во Македонија, ќе треба да им купи најмалку 40 нови автомобили на надзорниците на консултантот ИРД.

Во својот финансиски план „Тетекс“ најави дека очекува финансиски приходи годинава од речиси 800.000 евра. Од тоа половина би можело да биде од дивидендата на неговите акции во ТТК Банка што пак значи дека може да се очекува бруто износ од едно евро дивиденда за акција

Долгите процедури за набавка на лекот Трикафта кој значи нормален живот на луѓето со реткото заболување цистична фиброза ги става во тешка агонија и единствено што им останува на пациентите е да се надеваат дека во скоро време нивните бели дробови ќе бидат ослободени од „стегите“ што им ги создава болеста.

Некои луѓе се плашат од војна, некои не, вели за Фактор, Корина Ершов, фриленс преведувач кој работи на конференции и проект менаџер во локална добротворна невладина организација во Молдавија.