ФАКТОР НА ДЕНОТ: Oд 1 јули поскапува струјата, Бислимовски вели дека 98,8 отсто од домаќинствата ќе плаќаат 7,4 отсто повеќе
Објавено во: Економија 29 Јуни, 2022
СТРУЈАТА ПОСКАПУВА
Марко Бислимовски, претседателот на Регулаторна комисија за енергетика, денеска на прес-конференција го соопшти зголемувањето на цените на електрична енергија за домаќинствата и малите потрошувачи со новите блок-тарифи од 1 јули.
За сметките во лето за 77,2 проценти ќе има 6,7 проценти покачување, најави Бислимовски.
- За 98,8 проценти од домаќинствата просечната цена ќе се зголеми за 7,4 проценти, објави првиот регулатор.
Според блоковите, до потрошени 210 киловатчасови поскапувањето е 5,5 отсто, понатаму до 630 киловатчасови цената се зголемува за 10,3 проценти, до 1.050 повишувањето на цената продолжува со 18,3 отсто, а се што е над тоа ќе се плаќа со 138,7 отсто зголемување.ПРАТЕНИК ЈА СНИМАЛ КАЛЕВСКА ВАНЧЕВА
Претседателката на Комисијата за политички систем Снежана Калевска-Ванчева од СДСМ кажа дека со мобилен ја снимал пратеникот Зоран Јованчев од ВМРО-ДПМНЕ.
Таа во изјава за Фокус, вели дека од Јованчев ќе бара јавно да и се извини за случајот.
„Јас лично, не забележав кога пратеникот ме снимал, но забележаа мои колешки и тие веднаш реагираа. Бев преокупирана со заштита на материјалите, и да ја завршам седницата согласно деловникот“, вели таа.
Maкедонскиот премиер Димитар Ковачевски денеска во Собранието, говореше за деструкцијата на опозицијата и кажа дека пратеник снимал своја колешка на 15 сантиметри од деколтето.
Тој прашува што ќе прави пратеникот со снимката.РАСТЕ БРОЈОТ НА ЗАРАЗЕНИ СО КОРОНАВИРУСОТ
Комисијата за заразни болести на денешниот состанок констатираше дека има зголемување на бројот на позитивни случаи на Ковид 19 во однос од минатата недела, и тоа зголемувањето изнесува 65.8%. Воедно, констатирано е дека нема зголемување на бројот на хоспитализации (во моментот се хоспитализирани 10 пациенти со Ковид) и нема зголемување на бројот на смртни случаи.
Согласно овие параметри и земајќи го предвид трендот на зголемување на позитивните случаи од Ковид во соседните држави и светот, потсетуваме на обврската за задолжително носење маски во здравствените установи, згрижувачките установи, аптеките и јавниот превоз.ЧИТАЈТЕ УШТЕ