ФАКТОР НА ДЕНОТ: Во Брисел нема оптимизам дека ќе ги почнеме преговорите, во Македонија се протестира

Добивај вести на Viber

МАКЕДОНИЈА НАЈВЕРОЈАТНО НЕМА ДА ГИ ПОЧНЕ ПРЕГОВОРИТЕ СО ЕУ

Песимизам има во Брисел за почетокот на преговорите со Македонија.

Речиси воопшто нема надеж за преговори годинава поради бугарското вето. 

Повеќе високи дипломати од земји членки на ЕУ за МИА потврдија дека Северна Македонија речиси сигурно ќе биде блокирана од страна на Бугарија на следниот министерски совет на Унијата, на кој требаше конечно да биде усвоена преговарачката рамка, јави дописничката на МИА од Брисел.

Амбасадорите на земјите членки на ЕУ во Брисел се состанаа денеска да ги разгледуваат заклучоците што треба да бидат усвоени на 8 декември од страна на министрите за европски работи.

ВО ЗЕМЈАВА ПРОТЕСТИ И БАРАЊЕ ЗА ОСТАВКА

ВМРО-ДПМНЕ вечерва протестираше во 11 града низ Македонија. 

Тие се револтирани од ставовите на премиерот Зоран Заев изнесени во неговото интервју за БГНЕС. Бараат да каже  што ветил на Бугарија.

Пратеничката од редовите на ВМРО-ДПМНЕ, Благица Ласовска, за време на протестот „Оставка на Заев, слобода на народот“, порача дека темелите на државноста на Република Македонија се илинденците и народноослободителната борба на партизанското движење АСНОМ и дека никој нема право да ги негира овие историски факти, а најмалку оној кој треба да го води македонскиот народ кон подобра иднина.

ИЗЈАВИТЕ НА ЗАЕВ НЕМА ДА ВЛИЈААТ НА ИСТОРИЧАРИТЕ

Драги Ѓоргиев, предводникот на македонските историчари во мешовитата комисија со Бугарија, вели дека позициите на премиерот Зоран Заев нема да им наштетат и дека историските факти се над индивидуалните ставови на политичарите.

„Ставовите на премиерот нема да ни ги врзат рацете и да не стават во подредена положба“, изјави тој за телевизија Алфа.

ПОВЕЌЕ ПАРТИИ ПРОТИВ ГЛАСАЊЕ ОНЛАЈН ВО СОБРАНИЕТО

Опозициските партии ВМРО-ДПМНЕ, Левица, Алијанса за Албанците и Алтернатива поднесоа 3.000 амандмани во Собранието за да ја блокираат промената на Деловникот со која заболените пратеници од Ковид-19 и оние кои се во изолација треба да гласаат и да учествуваат онлајн на седниците.

На овој начин опозицијата сака да ја затрупа собраниската Комисија за деловнички и мандатно имунитетни прашања, која треба да расправа за онлајн работата на Собранието.

ПЛЕВНЕЛИЕВ ГО КАЖА СТАВОТ ЗА БУГАРСКОТО ВЕТО

И поранешниот претседател на Бугарија, Росен Плевнелиев, во својата анализа за 24 Часа за македонско-бугарските односи смета дека Македонија треба да се откаже од наследството и идеологијата на „комунистичкиот диктатор Тито“

ЧИТАЈТЕ УШТЕ

Промени во Надзорниот одбор на Триглав пензиско друштво. Оставка од одборот поднел Никола Танасоски. На негово место како независен член на Надзорниот одбор бил Мирослав Вујиќ. 

Друштвата кои ги спроведуваат теоретските и практичните испити за идни возачи имаат профитни маргини на кои можат да им позавидат многу компании. 

Законското решение со кое ранливи категории граѓани ќе добиваат по 6.000 денари на трансакциска сметка и ќе можат да ги користат со нивната дебитна картичка ќе биде изгласано во Собранието наскоро, уверуваше заменик министерот за финансии Димитар Ковачевски. 

Д-р. Ирина Бухова, директорка на Државниот санитарен и здравствен инспекторат, во интервју за Фактор открива дека во голем број институции има вработени кои со месеци наназад користат боледувања, а при тоа на секои две недели менуваат дијагнози.

Објектот на поранешната болница „Мала Богородица“ е во финална фаза на опремување и адаптирање во ковид-центар и секој момент очекува да ги прими првите пациенти. Ваков чекор беше преземен по прогласувањето на кризната состојба, а на иницијатива на Министерството за здравство и министерот Венко Филипче по што беше одржана средба со претставници на трите приватни клиники во земјава.

До почетокот на оваа недела требаше да бидат завршени сите правни работи за да може поранешната болница „Мала Богородица“ да почне да ги прима првите пациенти болни од ковид кои се со средна тешка клиничка слика, а на кои им е неопходно болничко лекување.

Посредниците за добивање на бугарски пасоши, велат дека мала е веројатноста дел од Македонците да се откажат од бугарските пасоши, откако Бугарија ја блокираше Македонија за почеток на преговори со Европската Унија.