Филипче: Има идеја да се патува до Грција и низ цел Балкан без тестови

Добивај вести на Viber

Разговараме сите во регионот во еден момент да ги отвориме границите со една изедначена политика во однос на PCR тестовите (со брис). Идејата е да се отворат границите и да нема потреба од тестови, вели министерот за здравство Венко Филипче во врска со тоа дали македонските граѓани ќе можат да излезат од границите во регионот.

Тој вели дека земјите-членки на ЕУ имаат само препорака, односно дека немаат генерална политика по ова прашање и во таа смисла имаат слобода да одлучуваат каков ќе биде режимот на границите. 

„Точно е дека најавивме во неколку наврати претходните недели дека ќе имаме некаква одлука, но за жал го чекавме одговорот од соседните земји. Конечно одговорија во текот на изминатата недела, профункционира системот на координација, кој сега е поддржан од Американската амбасада во Скопје. Искрено се надевам дека дефинитивно ќе се разменат сите информации и врз основа на тоа што значи точна епидемиолошка ситуација во секоја од земјите од Западен Балкан плус Бугарија и Грција ќе заземеме заедничи став. Комуникацијата се базира на тоа дека превентивните мерки треба да се почитуваат, рече Филипче, одговарајќи на новинарски прашање по настанот на Здружението „Борка – за секој нов ден” по повод кампањата за борба против рак на дојка „Race for the cure”.