Филипче со позитивна информација: Следната година може да очекуваме стабилизација, вакцините против Ковид-19 се во завршни фази
Објавено во: Македонија 27 Ноември, 2020
-Позитивни се
вестите кои доаѓаат во однос на вакцините. Веќе има вакцини кои се во
завршните фази. Очекуваме преку КОВАКС системот, тој систем кој ќе
профункционира тогаш кога ќе почнат да ги даваат вакцините и кон алијансата
ГАВЕ, СЗО, УНИЦЕФ. Во координација сме во однос на системот на чување и
дистрибуирање. Сепак, тоа е една одлична вест што следната година верувам дека
ќе ја смени целокупната слика за пандемијата во светот. Во таа насока, ќе може
да очекуваме и стабилизација, потенцираше Филипче.
Тој, како и секогаш, и денеска упати апел до граѓаните дека
мора да се разбере дека во оваа состојба вирусот ќе
опстане и дека ковид е
практично широко распространет
секаде во светот.
-За секој еден од нас е ризик. Мерките мора да се почитуваат. Очигледно е дека
даваат резултати. Го немаме веќе оној нагол пораст на број на пациенти, ниту
огромниот притисок како што беше пред неколку недели кон болниците. Се уште
постои, но не со таков интензитет. Ја започнуваме и постапката за набавка
на брзи тестови со дел од буџетот којшто со ребалансот стигна во министерството.
Во меѓувреме, 20 илјади тестови стигнаа како донација, 13 илјади се веќе
поделени и се користат во многу здравствени установи во нашата земја, уште 6
има во резерва и има план да се дистрибуираат следната недела, рече министерот.