Фити: За Гоце Делчев комисиите беа блиску до договор
Објавено во: Македонија 18 Ноември, 2019
Aкадемик Таки Фити вечерва во интервју за Тв 24 изјави дека залогот е многу голем за ЕУ, промена на името, и е разочаран што Македонија не доби датум.
Тој очекува дека по францускиот нон пејпер, условите за членство ќе се заоструваат.
Вели дека Договорот од Преспа и Договорот со Бугарија беа единствен пат за да се деблокираат процесите.
Тој кажа дека македонската и бугарската комисија, биле блиску до договор за револуционерот Гоце Делчев.
„Јас мислам дека за дел од тие преродбеници нема да прават проблем, исто и за Крсте Петков Мисирков верувам дека нема да прават проблем. Тој е еден од најмаркантните личности за македонската кауза“, рече тој.
Фити рече дека не премолчеле ништо како МАНУ, ниту Договорот со Бугарија, ниту со Грција, а изнеле свои ставови и за двојазичноста.