29 Јануари, 2020
0.0175

ФОКУС НА ДЕНОТ: Администрацијата, Заев, министрите чистеа смет, Десковска ја предаде златната метла

Објавено во: Македонија 14 Декември, 2019

Вработените во јавната администрација и службениците во Град Скопје, денеска ја спроведоа акцијата „Администрацијата чисти со граѓанската организација ‘Не биди ѓубре’“.

Неколку илјади државни службеници, заедно со премиерот Заев и сите министри во владата, во координација со граѓанските активисти денеска собираа смет и други отпадоци како резултат на одлуката на Владата на Република Северна Македонија, на тој начин да биде одработен 2 јануари, која оваа година беше прогласен за неработен ден.

Министерката за правда, Рената Дескоска денеска на еколошката акција носеше златна метла, и му ја предаде на првиот човек на судскиот совет, Киро Здравев бидејќи нејзе веќе и помогнала во изработка на законите.

„Кога му ја предадов, претседателот на Судскиот совет искоментира дека не е многу амортизирана. Ние со таа метла можевме да помогнеме да се направат законите и затоа таа е една фина канцелариска работа која што ја завршивме, сега останува вистинската амортизација на метлата да се случи во Судски совет, да се спроведат тие закони кои што ние ги подготвивме а Собранието ги донесе и да се врати довербата на правосудството во нашата државата“, вели Дескоска

Од ВМРО-Народна партија се против идејата за промени во Законот за Надворешни работи со кој законски ќе се бара 80 отсто од амбасадорите да бидат вработени во Министерството за надворешни работи или т.н. дипломати од кариера. 

„Сметме дека на тој начин се оневозможува достап до овие значајни места за видни и докажани личности од многу области: писатели, уметници, новинари, доктори, бивши министри, па дури и академици. Наспроти тоа ќе бидат фаворизирани само вработените во МНР кои пак ќе ни бидат претставени како експерти, а најголем дел од нив знаеме дека се вработени под чисто партиски клуч. Впрочем не постои ниту една анализа од која можеме да видиме дека т.н. експерти имаат поуспешни резултати од амбасадорите кои се дојдени од други сфери. ВМРО-Народна партија стравува дека на овој начин МНР ќе почне да наликува на една секта, недопирлива и затворена за надворешниот свет“ – велат од ВМРО-НП.

Кредитната агенција „Фич“ го потврди кредитниот рејтинг на земјава на ББ+ со стабилен изглед, информираат од Министерството за финансии. 

Како што наведуваат од агенцијата, ова се должи на низата кохерентни макроекономски и финансиски политики и подобрите индикатори за управување, развој на човечки ресурси и околина за водење бизнис во однос на ББ просекот.

„Фич“ пишува дека домашната политичка ситуација е нормализирана после подолг период на „политичка парализа“ од 2014-2017 година. Согласно агенцијата, процесот на евроинтеграција останува приоритет на земјата и двигател на реформите.

Можеби ќе ве интересира

Почувствуван земјотрес во Македонија

Почувствуван земјотрес во Македонија

ФОКУС НА ДЕНОТ: Полицијата преземa мерки за „Јавна соба“, во регионот страв од коронавирусот

ФОКУС НА ДЕНОТ: Полицијата преземa мерки за „Јавна соба“, во регионот страв од коронавирусот

Фетаи: Kритериумите за избор на шеф и обвинители треба да бидат построги

Фетаи: Kритериумите за избор на шеф и обвинители треба да бидат построги

Ќе биде ли сабота неработен ден?

Ќе биде ли сабота неработен ден?

Oтпочната е санацијата и рехабилитацијата на колекторскиот систем на Охридското Езеро

Oтпочната е санацијата и рехабилитацијата на колекторскиот систем на Охридското Езеро

Се формира комисија за спроведување на мерката за клима инвертери

Се формира комисија за спроведување на мерката за клима инвертери

За пасоши ќе има обрасци некаде до средината на февруари

За пасоши ќе има обрасци некаде до средината на февруари

Дали вашите нарачки од Алиекспрес се безбедни од коронавирус?

Дали вашите нарачки од Алиекспрес се безбедни од коронавирус?

Петнаесетгодишно девојче донесено во Клинички центар со прострелна рана во главата

Петнаесетгодишно девојче донесено во Клинички центар со прострелна рана во главата