15 Јули, 2020
0.0422

ФОКУС НА ДЕНОТ: Доверливи документи најдени во домот на Ременски, судската администрација бара повисоки плати

Објавено во: Македонија 15 Ноември, 2019

Пратеничката Фросина Ременски потврди дека Обвинителството при претресот на нејзината куќа пронашло документи и порача дека истите се одземени на незаконит начин и дека не се поврзани со кривично дело.

Потпретседателката на Собранието е осомничена во вториот дел од истрагата во случајот „Рекет“ со Меѓународниот сојуз на Бојан Јовановски дека наводно нејзината позиција била користена за убедување на бизнисмените со кои се преговарало да вложат во проектите.

Таа реагира на вмешувањето на нејзиниот сопруг Јовче Ременски во натписот на МКД.мк и неговото доведување во негативен контекст. Ременски вели дека е нормално да поседува, како што вели таа, документи од надзори за злоупотреби на други лица и истите ги пријавила до надлежните органи, иако досега не добила одговор од нив.

Рената Десковска, министерката за правда, денеска најави дека со меѓународните партнери ќе започне ветинг во правосудството и денешниот протест на судската администрација за неисплатени додатоци на плата коментираше дека во оваа власт вработените се гласни само кога станува збор за делење на пари.

„Министерството за правда ја почитува независноста на буџетот на судовите, но зачудува начинот на исплата која се врши линеарно кај сите судии, иако не постојат основи за зголемување на додатоците да се врши секогаш кај сите подеднакво. Денешниот протест е гласност и конфликт за пари. А кај нив нема став зошто судството е со најниска доверба во јавноста кога има застарување на гонење на судски постапки. Очекувавме реакција од судиите и судската администрација за ова“ рече Десковска.

Со тоа таа го осуди линеарното делење на додатоци на плата и кај судиите и кај судските службеници преку Судскиот буџетски совет.

Ни денес не почна судењето за Ангела Ѓорѓиева која го намами Пино Секондо да дојде на насипот каде што е убиен.

Овој случај ја потресе јавноста кога по неколку месеци од непознат граѓанин во полиција беше пријавено дека во атарот на скопското село Љуботен е пронајден човечки скелет покриен со камења.

И идната година голем број од таканаречените рамковни вработени ќе седат дома, а ќе земаат плата. Така барем може да се заклучи од предложениот буџет. Во него е предвидено дека во 2020 година во Министерството за политички систем и односи меѓу заедниците ќе бидат вработени 1.517 лица, што е само за двајца помалку од бројот на вработени во тоа министерство, 1.519, колку што се наведени во ребалансот на буџетот за оваа година.

Со расформирањето на меѓуопштинското јавно претпријатие МЈП Проаква Струга, Владата превзеде нешто повеќе од половина од долгот кој со планот на поделба се испоставува дека целокупно изнесувал 34 милиони евра, односно неверојатни 2,045 милијарди денари за локална комунална организација.

Макпетрол АД Скопје и Владата ќе склучат спогодба со која вонсудски ќе се завршат судските спорови во врска со ГА-МА АД Скопје, соопштуваат од дистрибутивната компанија. По ова, ќе следува проценка од овластени проценители, па Макпетрол согласно пазарна цена ќе и го продаде својот дел од сопственоста во ГА-МА АД Скопје на Владата. Согласноста е постигната со поддршка од Енергетската заедница.

Можеби ќе ве интересира

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ДИК уверува дека има услови за безбедно гласање и повика граѓаните да излезат

ДИК уверува дека има услови за безбедно гласање и повика граѓаните да излезат

Уапсен велешанец кај кого е најден список со лични податоци на потенцијални гласачи

Уапсен велешанец кај кого е најден список со лични податоци на потенцијални гласачи

Министерство за здравство: Утре ќе функционираат дежурните ординации во трета смена

Министерство за здравство: Утре ќе функционираат дежурните ординации во трета смена

Кандидатот за премиер демантира дека е заразен со коронавирус

Кандидатот за премиер демантира дека е заразен со коронавирус

БИЛАНС ЗА 24 ЧАСА: Повеќе заразени од вчера и четири починати

БИЛАНС ЗА 24 ЧАСА: Повеќе заразени од вчера и четири починати

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

ЗНМ и СЕММ најостро го осудуваат директното кршење на изборниот молк

ЗНМ и СЕММ најостро го осудуваат директното кршење на изборниот молк

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема