ФОКУС НА ДЕНОТ: Енормно загадување, оспорен закон за јазици, пазарџиски револт
Објавено во: Македонија 18 Јануари, 2019
Високо загадување последните два дена во главниот град, но и во Велес, Битола, Тетово и Куманово.
Се уриваат рекорди а надлежните остануваат само на препораките кои не се доволни да ги заштитат граѓаните од воздухот.
Скопје денеска е 15 најзагаден град во светот. Во топ 10 од балканските градови е Приштина, односно се наоѓа на седма позиција.
Пазарџиите денеска револтот од новиот закон за трговија на зелените пазари го изразија преку револт. Тие ставија клуч на скопските пазари и излегоа да протестираат пред собранието. Министерството за економија се изјасни како ненадлежно да им помогне, па независната пратеничка група им вети средба.
Ако не се реши овој проблем и не се смени нешто во законот, пазарџиите најавија блокади.
Законот за јазици пак го дочека и првото оспорување пред Уставен суд.Професорот Јове Кекеновски поднесе иницијатива со која се бара оценување на устаноста.
„Унибанка“ ќе влезе во корпоративната историја на Македонија како прва компанија т.е. банка која издаде перпетуална обврзница. Нејзината вредност е 5 милиони евра, а ја купиле инвеститори во приватна понуда.