15 Јули, 2020
0.0262

ФОКУС НА ДЕНОТ: Катица Јанева се огради од „Рекет“, најден е и телефонот за кој се тврдеше дека е изгубен

Објавено во: Македонија 23 Јули, 2019

Специјалната јавна обвинителка по осум дена молк денеска се обрати на прес конференција во Специјалното јавно обвинителство. 

Катица Јанева рече дека најодговорно тврди дека не ја злопутребила функцијата и им порача на правосудните органи да ја завршат истрагата и постапката и така да стават крај, на како што рече, сите дезинформации.

Рече оти не криела дека се познава со Бојан Јовановски, но дека слушнала оти и други лица се повикуваат на нејзиното име и го злоупотребуваат.

„Се нафатив на функцијата во тешки околности и знаев дека поради тоа ќе бидам мета на напади. Ми беше чест и одговорност да ја вршам функцијата. Го разбирам интересот на граѓаните за случајот „Рекет“. Носител сум на јавна функција, па дозволете да ви се извинам што свесно оставив простор да не коментирам. Не ми беше лесно да го гледам јавниот линч ама не сакав да правам притисок. Во врска со индициите, изјавувам и најдоговорно тврдам дека ниту свесно, ниту несвесно ниту со сторување или несторување не сум ја злопутребила функцијата. Јавно ги охрабрувам сите институции да го расветлат случајот, рече Јанева.

Вели дека се познава со Боки 13 и дека останува на оставката.

„360 степени“ дознава  дека специјалната јавна обвинителка, Катица Јанева имала и трет телефон, кој синот Лазар го изгубил во Белград. Според изворите, тој апарат најверојатно никогаш не го користела. Инаку, девојката на Лазар Јанев е работно ангажирана во СЈО.
ОЈО за гонење организиран криминал и корупција денеска соопшти дека со издадено барање  до мобилните оператори за следење на IMEI- меѓународен идентитет на мобилна опрема на телефонот, го пронашле мобилниот телефон кај друго лице. Притоа лицето изјавило дека телефонот е добиен на подарок. Пронајдениот мобилен телефон ќе биде даден на вештачење.

Јанева практично призна дека СЈО го претворила во рекетарски бизнис и дека таму се сместени најголемите криминалци во државава вклучително со нејзe, изјави на прес- конференција портпаролот на ВМРО-ДПМНЕ Димче Арсовски. 


„Слушнавме дека знае и за други лица кои рекетираат во нејзино име, но Јанева одлучи да ги заштити и да не каже кои се тие, практично уште еднаш покажува и докажува дека таа е соучесник и таа им дава поддршка на тие лица да рекетираат и да го вршат тој криминал. И практично е виновна за тоа. Катица Јанева одби да објасни и зошто лажела дека нејзиниот телефон е украден кога истиот телефон самата Катица Јанева наводно го подарила. Дали Јанева имала контакти со Заев, Кики или Фрики и за што разговарале со тој телефон?“, праша Арсовски. 

Арсовски посочи дека Катица Јанева не кажа дали одлуката да се укине притворот за бизнисменот Орце Камчев е нејзина или одлука на обвинителката Лиле Стефанова.

Можеби ќе ве интересира

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ФАКТОР НА ДЕНОТ: Гласаат болните, немоќните и затворениците, а денес имаме 135 позитивни на Ковид - 19

ДИК уверува дека има услови за безбедно гласање и повика граѓаните да излезат

ДИК уверува дека има услови за безбедно гласање и повика граѓаните да излезат

Уапсен велешанец кај кого е најден список со лични податоци на потенцијални гласачи

Уапсен велешанец кај кого е најден список со лични податоци на потенцијални гласачи

Министерство за здравство: Утре ќе функционираат дежурните ординации во трета смена

Министерство за здравство: Утре ќе функционираат дежурните ординации во трета смена

Кандидатот за премиер демантира дека е заразен со коронавирус

Кандидатот за премиер демантира дека е заразен со коронавирус

БИЛАНС ЗА 24 ЧАСА: Повеќе заразени од вчера и четири починати

БИЛАНС ЗА 24 ЧАСА: Повеќе заразени од вчера и четири починати

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

МЗ ИЗНЕНАДЕНО ОД ПРОТЕСТОТ: Не ги игнорираме матичните лекари

ЗНМ и СЕММ најостро го осудуваат директното кршење на изборниот молк

ЗНМ и СЕММ најостро го осудуваат директното кршење на изборниот молк

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема

БЛАГОДАРИМЕ КИНЕСКИ НАРОДЕ - стигна донацијата од маски, визири и друга опрема