ФОКУС НА ДЕНОТ: Кавга во СЈО, демолирани таблите на спомениците на плоштад

Добивај вести на Viber

Специјалната јавна обвинителка Катица Јанева тврди дека не издала наредба за претрес на обвинителката Фатиме Фетаи и на другите обвинители и вели дека се работи за недоразбирање.

-Не е точно дека сум издала таква наредба, се работи за недоразбирање. Не сум расположена за повеќе разговор-изјавила Јанева за А1.он.

Инаку, се очекува Јанева во вторник во Одделот на ЈО за гонење на организиран криминал и корупција да сведочи во случајот „Рекет“.

Таблата со појаснување под споменикот Воин на коњ е вратена во првичната положба а објаснувањето кое стои под истата е дека тој споменик е историска фигура во чест на Александар Велики која и припаѓа а на античката Хеленска историја и цивилизација и на светското културно и историско наследство. 

Град Скопје во рамките на своите надлежности во наредниот период ќе го засили надзорот врз спомениците, а тие ќе бидат и под засилени инспекциски контроли, информираат за МИА од Град Скопје. 

Градските власти најавија дека ќе ги санираат оштетените делови на спомениците.

Новата ознака што беше поставена вчера на споменикот на Филип Втори на скопскиот плоштад „Карпошово востание" ноќеска е извадена и украдена, а на споменикот на Олимпија е оштетена.

Оштетена е, но и натаму стои залепена, ознаката на споменикот на Александар Македонски на централниот плоштад во Скопје.

Косово забрани увоз на компири и мед од Македонија.

Министерот за трговија и индустрија во Владата во оставка на Косово Ендрит Шаља денеска нареди забрана на увозот на компири и мед од Северна Македонија, како одговор на забраната што Скопје ја воведе за увозот на риба за порибување од Косово, јави дописникот на МИА од Приштина.