ФОКУС НА ДЕНОТ: Maкедонија ја чека „метлата“ и датумот за преговори

Добивај вести на Viber

Претседалот на ВМРО-ДПМНЕ, Христијан Мицкоски вели дека граѓаните се разочарани и се свесни дека власта не ги испорачува резултатите. 

За функционерите на власта вели дека не ја научиле лекцијата, зактовени се на своите позиции и чекаат премиерот Зоран Заев што ќе одлучи. 

„Големите очекувања кои ги создава оваа власта за операцијата „метла“ ќе донесе големи разочарувања“, изјави Мицкоски од Општинскиот комитет Аеродром.

Тој рече дека функционерите кои не работат, не ги исполниле очекувањата, не се успешни, треба да си поднесат оставка. 

Отпочнувањето на преговорите ќе биде добро и за нас, амбасадорите на западните земји, изјави францускиот амбасадор Кристијан Тимоние кој го посети Гостивар. 

Вели дека тие посакуваат отварање на претпристапните преговори. 

„Но, земјата треба навистина да е подготвена за тоа. Така што тоа нема да биде подарок, тоа треба да биде заслужен подарок во вашите раце“, додаде Тимоние.

Тој присуствуваше и на деветото издание на манифестацијата „Ден на франкофонијата“ во Центарот за култура АСНОМ.

Германската канцеларка Ангела Меркел која денеска е во посета на Хрватска, го кажа својот став во однос на проширувањето на Европската Унија. 

Меркел вели дека Берлин „начелно ја поддржува“ европската перспектива на земјите од Западен Балкан, но дека „при тоа треба да се земе предвид дека критериумите мора да бидат исполнети“.

Таа рече дека со тоа прашање ќе се позанимаваат. 

Криминалот и корупцијата растат, нема датум за преговори во јуни, тврдат од ВМРО-ДПМНЕ. 

Потсетуваат на тоа како министерката за труд и социјална политика, Мила Царовска призна милионски скандал со фондот за ПИОМ, на десетиците млади и стари кои починаа од епидемиите на грип и сипаници, а министерот си делеше крвави тендери, на запалените документи во Министерството за правда, на нападите на притворени лица, на криминалното делење на субвенции преку Фондот за иновации, на непотизмот, на нарачките на наркотици на пратеници.