29 Мај, 2020
0.0458

ФОКУС НА ДЕНОТ: Нови искази за „Рекет“, платите пораснале

Објавено во: Македонија 20 Септември, 2019

Градежниот инвеститор Зоран Азманов денеска е повикан да даде исказ во Основното јавно обвинителство за организиран криминал и корупција за случајот „Рекет“ во кој осомничени се шоуменот Бојан Јовановски, неговиот партнер Зоран Милевски и поранешната специјална обвинителка Катица Јанева, објави Дојче Веле.

Сопственикот на градежната компанија „Настел“ во неколку наврати изјавуваше дека е уценуван од Боки 13, а во една прилика наведе и дека Јовановски му тврдел дека поседува документи за него од финансиска полиција.

Во меѓувреме се повикуваат и раководители на Меѓународен сојуз, невладината организација на Јовановски, која била носител на проекти за чија реализација биле барани средствата ид бизнисмени.

Продавачка на луксузната продавница на „Пјер Карден“, каде што Бојан Јовановски бил клиент, била повикана денес претпладне на распит за случајот „Рекет“.

Вработената сведочела за потребите на истрагата, а Обвинителството се интересирало за купувањето на првоосомничениот на конфекција и мебел од луксузниот моден бренд.

Антонио Милошоски, пратеникот на ВМРО-ДПМНЕ, објави дека Собранието експресно го одбило за формирање на анкетна комисија која ќе треба да испита како и на што го трошел СЈО својот солиден фонд за работа пред неговото расформирање.

Предлог барањето е вратено на подносителите поради наводни недостатоци, изјави Милошоски, кој истовремено се сомнева дека ракописот на претседателот на Собранието, Талат Џафери, е фалсификуван.

Се зголемиле платите во Македонија.

Просечната месечна исплатена нето-плата по вработен, во јули 2019 година, изнесува 25.104 денари.

Според податоците на Државниот завод за статистика, индексот на просечната месечна исплатена нето-плата по вработен во јули 2019 година, во однос на јули 2018 година, изнесува 104.3.

Зголемувањето се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита (10.6 %), Објекти за сместување и сервисни дејности со храна (9.8 %) и Транспорт и складирање (7.4 %).

Можеби ќе ве интересира

ЖЕЛЕЗНИЧКА НЕСРЕЌА: Воз кој сообраќал од Битола кон Скопје удрил во возило

ЖЕЛЕЗНИЧКА НЕСРЕЌА: Воз кој сообраќал од Битола кон Скопје удрил во возило

СТРАЗБУР ПРЕСУДИ: Да се регистрира здружение на Македонците во Бугарија

СТРАЗБУР ПРЕСУДИ: Да се регистрира здружение на Македонците во Бугарија

ФАКТОР НА ДЕНОТ: Kaфулињата почнаа со работа, а короната однесе жртва и меѓу здравствените работници

ФАКТОР НА ДЕНОТ: Kaфулињата почнаа со работа, а короната однесе жртва и меѓу здравствените работници

Кога Македонија ќе ги отвори границите?

Кога Македонија ќе ги отвори границите?

ЗНМ најостро ги осудува заканите кон новинарската екипа на ТВ Клан

ЗНМ најостро ги осудува заканите кон новинарската екипа на ТВ Клан

Пауновски: Келнер ќе може да ви побара лична карта на маса

Пауновски: Келнер ќе може да ви побара лична карта на маса

ДАЛИ Е ИЗБРЗАНО ПЕНЗИОНЕРИТЕ ОД УТРЕ ДА СЕ ВРАТАТ НА БЕСПЛАТНИОТ ПРЕВОЗ - од ЈСП велат, треба да се свесни за опасноста

ДАЛИ Е ИЗБРЗАНО ПЕНЗИОНЕРИТЕ ОД УТРЕ ДА СЕ ВРАТАТ НА БЕСПЛАТНИОТ ПРЕВОЗ - од ЈСП велат, треба да се свесни за опасноста

ЌЕ СТАНЕМЕ ЛИ „РЕДОВНИ“ ОД ПРВИ ЈУНИ ИЛИ ЌЕ ПРОДОЛЖИ ВОНРЕДНАТА СОСТОЈБА - шефот на државата ќе одлучи во сабота

ЌЕ СТАНЕМЕ ЛИ „РЕДОВНИ“ ОД ПРВИ ЈУНИ ИЛИ ЌЕ ПРОДОЛЖИ ВОНРЕДНАТА СОСТОЈБА - шефот на државата ќе одлучи во сабота

ФОТОГАЛЕРИЈА: Скопјани навалија на кафе и пиво

ФОТОГАЛЕРИЈА: Скопјани навалија на кафе и пиво