ФОКУС НА ДЕНОТ: Oбид за киднапирање на ќерка на пратеник, не стивнуваат реакциите за јазикот
Објавено во: Македонија 13 Декември, 2019
Пратеникот Сашко Костов од СДСМ, за чија ќерка медиумите пишуваа дека имало обид за киднапирање на неговата седумгодишна ќерка, за Фактор вели дека „настан имало, но не до толку како што го опишаа медиумите“.
Три пати со остар глас и наредиле да влезе во автомобилот. Девојчето се вознемирило и почнало да писка, по што за среќа, дошол нејзин роднина, од кого тие се исплашиле и побегнале.
Македонскиот претседател Стево Пендаровски вели дека македонскиот јазик е факт и би било губење време да се убедуваме дали тој постои или не постои.
Ова е неговиот одговор на тврдењето на Бугарската академија на науките дека македонскит јазик не постои, и дека тој е „регионална форма на бугарскиот јазик“.
„Во Преспанскиот договор постои една одредба која се повикува на конференција на Обединети нации, не на некоја конференција организира тука меѓу нас, од 1979 година, во која македонскиот јазик е нормиран како еден од јазиците во јужнословенската група и е меѓународно признаен. Навистина сметам дека би било губење време да се убедуваме во нешто дали постои или не постои, исто како што македонската нација е факт и околу тоа никој нормален во нашата земја нема да дебатира и да потпишува договори со кој било“, рече Пендаровски.
Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје реагира на најновите ставови на Бугарската академија на науките во која посочија дека не постои македонски јазик.
Од Меѓународниот семинар за македонски јазик, литература и култура потенцираат дека е недолично да се негира нешто што е признато и познато, а тоа е МАКЕДОНИСТИКАТА на мапата на светската славистика, но и балканистика.
Петте илјади амандмани од ДУИ се навистина ту мач, смета премиерот Зоран Заев за помалиот коалиционен партнер во Владата, кој за промените во Изборниот законик со кои треба да се изгласа една изборна единица, поднесе огромен број амандмани. За премиерот Заев ова е сигнал до СДСМ дека треба да размисли сериозно дали и колку и понатаму е одржлива коалицијата со ДУИ.
Ова ДУИ го направи откако и опозициската ВМРО-ДПМНЕ поднесе дури 9.000 амнадмани за изборниот законик.
Трговците за време на периодот на попусти, популарно наречен Блек Фрајдеј, делувале чесно и не ги манипулирале купувачите, односно немало измамничко рекламирање оваа година, заклучува Државниот пазарен инспекторат откако заврши со анализата на цените.Најуспешните петмина нотари лани оствариле оперативни добивки од 171.000 евра до 332.000 евра. Бројките се фантастични особено ако се знае дека станува збор за друштва кои вработуваат меѓу 7 и 11 лица. Но има и појако. Оргазмични се нивните профитни маргини (учество на неоданочена добивка во приход) и тие изнесуваат од 51 отсто до 76 отсто!!!
Петте илјади амандмани на ДУИ за Изборниот законик дојдоа само како шлаг на тортата наречена коалициски недоразбирања меѓу владините партнери. Претходно температурата ја креваше Законот за јазиците, односно препораките кои за него стигнаа од Венецијанската комисија.