ФОКУС НА ДЕНОТ: По погребот во Гевгелија, Јанева останува во Шутка, за Заев СЈО е обезглавено

Добивај вести на Viber

За премиерот Зоран Заев СЈО е обезглавено по притворањето на обвинителката Катица Јанева. 

Тој се надева дека набрзо ќе бидат избран в.д. обвинител. 

Премиерот Зоран Заев по ЦО на СДСМ вечерва изјави дека сите треба да внимаваат да не го кршат законот, без разлика кои се. 

Тој вели дека законите во државата владеат. Заев вели дека веќе никој не врши притисок. 

Премиерот верува дека за „Рекет“ нема инволвирани луѓе од партијата, но ако за некого има докази вели дека секој треба да одговара. 

Заев негираше дека разговарал со Боки 13 за Орце Камчев или Катица Јанева. 

Специјалната обвинителка, Катица Јанева останува во истражниот затвор „Скопје“ во Шуто Оризари, откако жалбата за притворот е одбиена. 

Кривичниот суд синоќа за Јанева одреди 30-дневен притвор, а таа е осомничена за кривично дело Злоупотреба на службена положба во случајот „Рекет“. Од прибавената имотна корист Јанева за себе зела мебел. 

Нејзиниот адвокатот вчера најави дека ќе поднесе жалба за притворот. 

Обвинителка Катица Јанева, утрово со полициска придружба од затворот Шутка е однесена во Гевгелија на погребот на својата мајка. 

Денеска повторно ѝ се слошило на специјалната обвинителка во оставка, Катица Јанева, па не се придружила на погребната поворка, туку полицијата ја вратила назад во затворот, објави Плусинфо. Јанева не успеала да оди на гробиштата. 

Обвинителката во СЈО, Фатиме Фетаи пред да влезе во судница беше пресретната од новинарите кои побараа од неа изјава за синоќешното апсење на нејзината шефица Катица Јанева.

Фетаи категорично рече дека „Секој кој се огрешил пред законот мора да одговара“.

Работите конечно се придвижуваат кон позитивна насока, во нашата држава и едноставно никој не е недопирлив“, исто така обвинителката истакна дека индивиудална кривична одговорност на еден од обвинителите во СЈО, не смее да биде изговор и да се заборави целокупниот направен криминал кој беше направен во нашата држава, во последниот период.

Фетаи потенцираше дека тимот на СЈО е целосно посветен на својата работа, барање правда.