ФОКУС НА ДЕНОТ: Пожари во Скопје, АРМ слави роденден
Објавено во: Македонија 18 Август, 2019
Авионите направија два прелети и фрлија вода кон Сопиште, каде се ширеше пожарот. Ноќва на терен ќе има дежурни екипи на пожарникари, иако теренот е непристапен.
Пожарот избувна денеска околу 11:30 часот во шумата над скопската населба Пинтија. Зафатена беше поголема површина мешана шума.
Централната свеченост се одржа во Охрид.
Министерката за одбрана, Радмила Шекеринска, на денешната централна свеченост во Охрид, по повод 18. Август – Денот на Армијата во своето обраќање упати пораки до Армијата, за сето она што беше направено изминатиот период, но и за сето она што следи во блиска иднина.
Министерката им се заблагодари на припадниците на Армијата, на војниците, подофицерите, офицерите за нивниот придонес кон безбедноста и суверенитетот на нашата држава, за нивниот придонес во процесот за приклучување кон Алијансата, за нивното учество во мировните мисии, помошта на граѓаните при елементарни непогоди.
*ГЕРМАНИЈА БАРА ЕКСПЕРТИ: „По новиот закон граѓаните на Западен Балкан се привилегирани“
Штефан Мајер, секретар во МВР на Германија, за DW зборувал за новиот закон и како да се постапува кога ќе стапи на сила, а уште ќе биде на сила правилото за Западен Балкан.
-Во фокус на законот за доселување на квалификувана работна сила се експерти, односно квалификувани работници од земјите кои не се членки на ЕУ“ , вели Мајер, пренесе Б92.
Според негови зборови, во многу сегменти е забележан недостиг на експерти и затоа ќе се овозможи доселување во Германија заради вработување - како и доаѓање со цел потрага за работно место за стручна обука. Со овој закон за прв пат се воведува единствен поим експерт односно квалификуван работник.