ФОКУС НА ДЕНОТ: Пратениците изгласаа повисок минималец, Мицотакис ветил дека ќе помогне за евроинтеграциите
Објавено во: Македонија 14 Ноември, 2019
Во Собранието денеска е изгласан Законот за повисока минимална плата од 14.500 денари со почеток на исплата од месец декември.
Пратеникот Александар Кирацоски на својот Фејсбук профил наведува дека со тоа се зголемува семејниот буџет кај многу семејства кои примаат минималец, се отвора спиралата на раст на платите, се зголемува основната потрошувачка и се подигнува животниот стандард.
Јужниот сосед ќе помогне за добивање датум за почеток на преговори со ЕУ.
„Грција е влијателна земја во ЕУ и побарав да помогне за да добиеме датум за почеток на преговорите“, изјави премиерот Зоран Заев по средбата со неговиот грчки колега Кирјакос Мицотакис.
Заев добил позитивен одговор од Мицотакис дека ќе се бори за ЕУ интергациите на Македонија.
Имплементацијата на Преспанскиот договор била една од темите за кои разговарале со Мицотакис, но и за граничните премини, за меѓународната експертска група која треба да продолжи со разговорите за да ги најде прифатливите решенија за двете страни.
Премиерот Зоран Заев попладнево се сретна со поранешниот градоначалник на Солун, Јанис Бутарис.
Државниот јавен обвинител, Љубомир Јовески вели дека здравјето не е основ за укинување на притворот, но обвинителството се грижи за здравјето на обвинетите.
Вчера адвокатот на Бојан Јовановски, Сашо Дуковски рече дека на Боки му откажал левиот бубрег.
„Зависи какви барања ќе има од притвореното лице, обвинителството ќе даде соодветно мислење, а судот одлука“ – изјави Јовески.
Членовите на Судскиот совет со едногласна одлука не ја прифати иницијативата на поранешната министерка за внатрешни работи Гордана Јанкулоска за разрешување на судијката Добрила Кацарска.
Претходно тричлената комисија на јавна седница ги сослуша и Кацарска и сопругот на ексминистерката за внатрешни работи Гордана Јанкулоска, Влатко Илиевски, кој ја поднесе претставката за разрешување пред да го поднесе извештајот.
„Барате ли работа? Ние ви нудиме редовни месечни примања, бонуси за успешно работење, обуки за напредок во работата, пријатна работна атмосфера, како и работа во две смени, од 40 часа неделно“.Ширум Европа се зголемува бројот на возрасни работници, покажуваат статистиките на Евростат.
Меѓу трите земји кои се со најголем број стари работници е и најмоќната европска економија, а друштво ѝ прават Шведска и Данска.
Кој буџетски корисник колку пари ќе има на располагање за трошење следната година. Предложениот буџет веќе е доставен до народните избраници. Тие ќе имаат на располагање дваесетина дена да го мерат и премеруваат, а потоа да ги кажат своите критики или пофалби на собраниската Комисија за финансирање и буџет, каде, пак, добиваат вкупно десет дена, и тоа пет за општа расправа, а пет за дискусија во врска со предложените амандмани.