ФОКУС НА ДЕНОТ: Пратениците разменија „тешки“ зборови, Маврово - Ростуше и Дебар се селат во ИЕ 5
Објавено во: Македонија 14 Февруари, 2020
Пратеничката Емилија Александрова од Независната пратеничка група на ВМРО-ДПМНЕ денеска на седница му рече на пратеникот од ВМРО-ДПМНЕ, Антонио Милошоски дека бил нејзин идол, но повика да ја напушти и да ја ослободи партијата, затоа што како што рече, со неговото однесување ѝ нанесува само штета.
Вели дека тој нема никакви аргументи против Законот за Јавно обвинителство. Додаде дека многу луѓе веруваат во партијата, но завршиле во затвор.
Некогаш блиски сопартијци, денеска во Собранието си пуштија жестоки стрели. Крсто Мукоски и Антонио Милошоски си кажаа тешки „думи“ меѓусебно.
Прво од собраниската говорница Милошоски потесети на промените во ставот на СДСМ за Мукоски пред и после неговиот премин во Независната пратеничка група. Тој кажа податок дека неговата фирма од власта на СДСМ има добиено тендери во износ од четири милиони евра.
ДУИ сепак издејствува промена на Изборниот законик, како што оваа партија бараше.
Според неофицијалните информации кои вчера се појавбија, таа наводно и условувала тоа да се договори и изгласа, а за возврат тие да гласаат за законот за јавно обвинителство, но денеска од ДУИ ги демантираа овие информации, тврдејќи дека тие недвосмислено го поддржуваат носењето на законот за ЈО.
Со измените во Изборниот законик се предвидува Маврово, Ростуше и Дебар, од Шестата изборна единица да се префрлат кон Петтата.
Во Македонски пошти треба да се вработат 280 луѓе.
Директорот на оваа институција, Еујп Рустеми, кој доаѓа од редовите на ДУИ, распиша оглас за вработување во Македонски пошти. Станува збор за јавен оглас за пополнување на 280 работни места на неопределено работно време.
Техничкиот премиер Оливер Спасовски вели дека мора прво да се донесат законите што се важни за државата, како што е законот за јавно обвинителество, па потоа да се оди на избори.
Доколку дојде до опструкции од нивниот коалиционен партнер, не е исклучено формирање на ново парламентарно мнозинство.
Немале ефикасни контроли на продажбата на билетите, не донеле акт за користењето на службените телефони, склучувале договори и издавале фактури за закуп по цени различни од одобрените во Управниот одбор, а им откриле и трошења кои не биле поткрепени со документи, меѓу кои и гориво, без да се знае за кои патувања. односно ненаменско и незаконско трошење на средства.Слободанка Митевска и нејзиното семејство се светол пример на домаќинство кое се приклучи во кампањата за преземање на #КлиматскаАкција.Со многу труд, посветеност, дури и без да користат субвенции го реорганизираа својот дом кој го грееле на дрва, имале високи месечни сметки и возеле старо дизел возило кое многу загадува.
Во дејноста трговија на големо со отпадоци и остатоци има регистрирано 75 домашни фирми. Меѓу нив има пет друштва кои оствариле добивки кои надминуваат 100.000 евра