ФОКУС НА ДЕНОТ: Препукувања за Законот за јазици, познато кога ќе бираме претседател, Хан бара реформи

Добивај вести на Viber

Во Службен весник е објавен Законот за употреба за јазиците, кој е донесен во Собранието пред една година, но не можеше да стапи во сила без да биде излезе службено во јавност.

Тој е без потпис на указ од страна на претседателот на Македонија, Ѓорѓе Иванов, односно заверен само од страна на собранискиот спикер Талат Џафери.

„Доцна синоќа имавме можност да го видиме вистинското лице на владината коалиција на СДСМ и ДУИ која себеси се смета за проевропска. Објавувањето на Законот за употреба на јазиците и на Законот за ратификација на спогодбата од Преспа во Службен весник без потпис на указ од Претседателот на Република Македонија се противуставни. 

Со доставувањето на овие два закона во Службен весник е прекршен член 75 од Уставот на Република Македонија, додека објавувањето на законите е направено незаконски и претставува основа за кривично гонење. 

Oд ВМРО ДПМНЕ најавија дека ќе поднесат кривична пријава против претседателот на Собранието, Талат Џафери и директорот на Службен весник, Мартин Костовски. 

Собранискиот спикер Талат Џафери му порача на македонскиот претседател Ѓорѓе Иванов да не се меша во законодавната власт, по реакцијата на шефот на државата за неговото заобиколување при објавување на Законот за употреба на јазиците и Законот за ратификација на Преспанскиот договор во „Службен весник“ без негов потпис на указите.

21 април е можниот датум на кој Македонија би можела да избира нов претседател на државата, а 5 мај се спомнува како датум за втор претседателски круг.

Не е само договорот од Преспа важен за отпочнување на преговорите со ЕУ, туку и реформите во земјава, вели европскиот комесар Јоханес Хан во интервјуто за Миа.

За фирмата „Македонија лек“, која дистрибуираше 650 МРП вакцини со погрешни декларации ќе има парична казна. 

Министерството за здравство нема да го раскине договорот со фирмата, затоа што овие биле последни количини на вакцини.