25 Мај, 2020
0.0417

ФОКУС НА ДЕНОТ: СЈО подготвено да ги предаде предметите, општа тепачка имало во Градска болница

Објавено во: Македонија 12 Септември, 2019

СЈО е подготвено да ги предаде предметите по кои постапува со сите списи и докази . За ова преку соопштение известија од институцијата која произлезе од Пржинскиот договор.

Имено од СЈО наведуваат дека до скопското обвинителство доставиле известување дека Јавното обвинителство за гонење на кривични дела поврзани и кои произлегуваат од содржината на незаконското следење на комуникациите е подготвено веднаш да ги предаде предметите по кои постапува со сите списи и докази.

Oд друга страна вработените во СЈО со писмо до Заев побарале спас за работните места.

СЈО сè уште постои, сè уште функционираме, по законот за СЈО до септември 2020 постои, така што верувам дека ќе најдат начин, јас сè уште не губам надеж и верувам дека ќе се најде извесно законско решение, изјави денеска обвинителката од СЈО, Ленче Ристоска.

Идните денови се очекува специјалната јавна обвинителка, Катица Јанева која е во притвор за случајот „Рекет“, да биде разрешена. 

Спикерот Талат Џафери, изјави дека денеска или утре ќе биде закажана итна седница со единствена точка на дневен ред, разрешување на специјалната јавна обвинителка Јанева. 

„Во секој случај нема да биде на 15 ти. Или утре или сабота. Во последен ден да се одржи седница нема ни смисла ни потреба“, изјави Џафери

Досега  седницата досега не била закажана, затоа што се чекало на исходот од лидерската средба која заврши без договор за новиот Закон за јавно обвинителство.

Од ВМРО ДПМНЕ бараат Јанева веднаш да се разреши, за да може до 15 ти да се избере нов специјален обвинител.

Здравствените работници ќе протестираат oткако во последниот период имаше неколку напади, и тоа во Тетово, Драчево и денеска во Градската болница во Скопје. 

Тие се загрижени за својата безбедност. Под паролата „Доста е! Стоп за насилството врз медицинарите!“, здравствените работници најавија протест кој ќе се одржи в среда на 18 септември, со почеток во 11 часот. Од Асоцијацијата на специјализанти и млади лекари – АСМЛ, која стои зад протестниот собир велат дека ќе бараат итно донесување на закон за докторска дејност, законско изедначување на напад на медицинар со напад на полицаец и итно и сериозно организирање на служби за обезбедување во секој здравствен објект.

Бараат заштита или ќе престанат со работа. Во Градската болница имало масовна тепачка.

Парламентот на Република Чешка денеска го ратификуваше Протоколот за членство на Република Северна Македонија во НАТО на седница на која присуствуваше и македонскиот премиер Зоран Заев, кој истовремено денеска е во Прага на Самитот на Вишеградската група и Западен Балкан.

Како што пренесува чешки „Иднес“, шефот на македонската влада имал што да слушне од чешките пратеници, односно од тоа дека Македонија не е способна политички и воено за прием во НАТО, до тоа дека Светите браќа Кирил и Методиј ги описмениле Чесите како словенски народ па затоа требало да ни возвратат со благодарност. На крајот, 124 од 148 присутни пратеници гласаа во прилог на Македонија и Заев можеше да се радува.

Пратеникот од ВМРО-ДПМНЕ, Антонио Милошоски вели дека премиерот Зоран Заев најавил дека за десетина дена специјалната јавна обвинителка, Катица Јанева од Шутка ќе се префрли во куќен притвор.

Милошоски обвинува дека власта ќе направи се случајот „Рекет“ да не отиде во рацете на независен обвинител.

Можеби ќе ве интересира

Неврологот Демерџиев за случајот „Метастаза“: Ми влегоа во ординација со специјалци, а потоа снимките му ги дадоа на Латас

Неврологот Демерџиев за случајот „Метастаза“: Ми влегоа во ординација со специјалци, а потоа снимките му ги дадоа на Латас

Се плашевме од неуспех на трансплатацијата, но желбата победи: Др. Стефанија Хаџиевска за Женски магазин

Се плашевме од неуспех на трансплатацијата, но желбата победи: Др. Стефанија Хаџиевска за Женски магазин

Чулев: Сите кои вчера делеа пакети ќе одговараат за непочитување на мерките

Чулев: Сите кои вчера делеа пакети ќе одговараат за непочитување на мерките

ФАКТОР НА ДЕНОТ: Се празнуваат Бајрам и Свети Кирил и Методиј, а до вторник наутро останува на сила полицискиот час

ФАКТОР НА ДЕНОТ: Се празнуваат Бајрам и Свети Кирил и Методиј, а до вторник наутро останува на сила полицискиот час

(ВИДЕО) Жители на Чаир играат оро за време на полициски час

(ВИДЕО) Жители на Чаир играат оро за време на полициски час

Детектор: Речиси половина од граѓаните сметаат дека изборите треба да се одржат по крајот на летото

Детектор: Речиси половина од граѓаните сметаат дека изборите треба да се одржат по крајот на летото

Пожар во угостителски објект во Скопје за време на полицискиот час

Пожар во угостителски објект во Скопје за време на полицискиот час

За реисот Сулејман Реџепи вирусот е веќе мртов

За реисот Сулејман Реџепи вирусот е веќе мртов

НОВИ ПОДАТОЦИ: 37 новозаразени и 11 оздравени од Ковид-19 во изминатото деноноќие

НОВИ ПОДАТОЦИ: 37 новозаразени и 11 оздравени од Ковид-19 во изминатото деноноќие