ФОКУС НА ДЕНОТ: Стоп за присилно извршување кај загрозени граѓани, Дудуш призна вина

Добивај вести на Viber

Дали ќе се надминат долгогодишните проблеми кои ги имаа граѓани како должници без притоа да се генерираат нивни нови егзистенцијални проблеми, што и позитивно ќе се одрази врз општеството, ќе покаже времето.

Откако Владата предложи измени во Законот за извршување, по скратена постапка тие се усвоени.

За ова информираше претставникот, предлагач на измените во законот, министерката за правда Рената Дескоска.

Министерката соопшти дека со овие законски измени од присилно извршување целосно се изземаат примањата на граѓани кои се корисници на гарантирана минимална помош  од социјалната заштита,  примањата на децата согласно Законот за заштита на децата, како и примањата за социјална сигурност  на старите лица, согласно прописите за социјална сигурност на старите лица. Ова всушност е и член 1 од предлог законот.

Курто Дудуш, градоначалникот на Општина Шуто Оризари од редовите на СДСМ денеска призна дека е виновен за физичкиот напад над иселеникот Демир Исмаил, и рече дека жали за стореното. Судијата Ѓоко Ристов му изрече казна "судска опомена" на тужениот. 

Оштетениот Исмаил рече дека ќе бара оштета од Дудуш и дека добиените пари ќе ги донира во хуманитарни цели.  Претходно, Исмаил рече дека како причина за нападот е тоа што неговата организација донира храна и облека за жителите на општината, но тоа не му се допаднало на Дудуш и се обидувал да го спречи.

Полицијата го уапси Емил Јакимовски кој се закануваше на новинарките Мери Јордановска и Искра Корошевовска, пренесува А1.он. Апсењето се случува по многуте пријави против лицето за семејно насилство, но и по последните закани кон новинарките Мери Јордановска од „А1он“ и Искра Коровешовска од „ТВ Алфа“ кои го пријавија Јакимовски дека им се заканувал и ги навредувал преку социјалните мрежи.

Тој претходно е избркан од Централниот регистар, каде работел како помошник раководител на сектор. 

Германската канцеларка Ангела Меркел изразила надеж дека Македонија и Албанија ќе добијат датум за пристапни преговори со ЕУ на самитот во Загреб во мај.

Меркел, како што пренесоа дел од медиумите , тоа го истакнала на билатералната средба со хрватскиот премиер Андреј Пленковиќ, чија земја во прво полугодие претседава со Советот на ЕУ.

По вооружениот грабеж што утринава се случи во експозитурата на НЛБ Банка во Ѓорче Петров, уште еднаш потврдуваме дека клиентите и вработените на Банката се безбедни и се во добра здравствена состојба.

Во текот на истрагата е утврдено дека со грабежот се одземени 8.700 евра.

Почетокот на изградбата на новата пруга од Бељаковце до Крива Паланка е внесен во бизнис планот за Јавното претпријатие Македонски железници - Инфраструктура за 2020, а неофицијално реализацијата на проектот треба да започне на крајот од годината. 

Во фокусот на нашето работење се клиентите, сакаме да ја обезбедиме нивната сигурност и задоволство. Убеден сум дека и натаму ќе ја задржиме цврстата лидерска позиција на пазарот на неживотно осигурување. Тоа се постигнува ако ги одржувате ветувањата што сте им ги дале на клиентите. Ова во интервју за Фактор го нагласува Ѓорѓе Војновиќ, главен извршен директор на Триглав Oсигурување.