Добивај вести на Viber

Инспекторите на терен. Исплаќаат ли газдите к-15? Царовска ги испрати да проверат.

Инспектори упаднаа во фабрики за неисплатен К-15

Скандал врз скандал во здравството. Кој ги примил вакцините во здравствените институции ќе се дознае од истрагата. Вака барем убедуваат надлежните а министерот за здравство убедува дека одговорност ќе има.

Како се случил пропустот со лепење на погрешни декларации на дел од вакцините ќе дојдат да видат и претставници од белгиската фирма која ги проиѕведува МРП вакцините.

Скандали пак ја тресат и Јавната здравствена установа Институтот за трансфузиона медицина која нема правилен систем за документирање и контрола на приемот обработката и издавањето на крвта која е собрана преку крводарителски акции, констатирал Државниот завод за ревизија.

Власта се пребројува пред клучното гласање за уставните измени а мнозинство уште нема. И додека власта се уште преговара ѕа мнозинство опозицијата не беше дел од деншната седница за уставни измени. 

По експозето на премиерот, нова седница за уставните измени ќе има утре . 

Нов обид за упад во Собранието имало вечерва пренесуваат дел од медиумите при што се приведени две лица кои наводно се обиделе да ја прескокнат оградат пред Парламентот и да влезат во Законодавниот дом. Протести ќе има и утре.

Од гласањето за уставни измени се спаси пратеникот Томислав  Тунтев кој поднесе оставка. Причината е новата функција на Тунтев а досегашниот пратеник од СДСМ ќе директорува со Агенцијата за цивилна и воздушна пловидба. 

Колку Тунтев ќе биде во плус со новата функција читајте детално овде.

Еуростандард банка е во преговори за продажба на капиталот на бугарски финансиски инвеститор, дознава Фактор од извори од банката.

Акциите на Нова Осигурување АД Скопје се продадоа за вкупно 3,2 милиони евра во две блок трансакции, објави Македонската берза.  Во двата блока практично е продаден целиот капитал на осигурителната компанија, што значи дека купувачот сега поседува 100 отсто од Нова осигурување АД. Според нашите информации, кои неофицијано и се потврдени, купувач е Халк банка.