ФОКУС НА ДЕНОТ: Викендски централни митинзи, почина сопругата на Милошевиќ
Објавено во: Македонија 14 Април, 2019
Денешниов ден го обележаа партиските митинзи .
Додека опозициската ВМРО ДПМНЕ допрва го почнува главниот протест за вечерва закажан за во Велес, владеачката СДСМ пред околу 4 часа го заврши централниот митинг во главниот град.
„Имаме неповторлива можност како генерација да оставиме трајно наследство зад нас. Обезбедена и сигурна држава, партнер на демократскиот свет, рамноправен дел од најзначајните светски сојузи. Оние кои мислат дека без НАТО и Европската Унија можеме да ги решиме децениските проблеми со иселувањето, од социјалната сфера, дека може да ја обезбедиме сигурноста и стабилноста, се лажат себеси. Од осамостојувањето до денес само еден е патот кон прогрес и води преку ЕУ и НАТО, рече кандидатот за претседател од СДСМ и коалицијата Стево Пендаровски на денешниот централен митинг во Скопје“.
Кандидатката на ВМРО ДПМНЕ Силјановска Давкова од Свети Никола пак рече дека лошата политика не може да го згази правото.
– Лошата политика не може да го згази правото. Лошата политика треба да се санкционира. Власта нон-стоп зборува за политика, а ние нон-стоп ги предупредуваме на правото, ама правото е пред политиката. Оти ако политиката не е ограничена со правото, ако не е под правото, ако не е врамена во правото, ќе доведе до дискрециски овластувања. Ќе доведе до постапувања што не водат сметка за човековите слободи и права, рече Силјановска Давкова.
Друга вест која го обележа овој ден е смртта на Мирјана Марковиќ сопругата на Слободан Милошевиќ.