(ФОТО) ДОСТА Е КРИЕЊЕ - стотици дојдоа на Парадата да и дадат поддршка на ЛГБТИ заедницата
Објавено во: Македонија 26 Јуни, 2021
Топлото време не спречи голем број граѓани од земјава да и дадат поддршка за ЛГБТИ заедницата, преку присуство на втората парада на гордоста, која денеска се организираше во Скопје.
Со присуство на стотици луѓе, музика која ечеше од подвижна бина, со знаменца и транспаренти, меѓу кои се виори и пораката „Доста е криење“, парадата стартуваше.
Граѓани уште од 10 часот се собраа во паркот „Жена борец“, каде ги земаа алките за влез на парадата. Националната мрежа против хомофобија и трансфобија е организатор и на втората Парада на гордоста.
Првата парада во Скопје се одржа во 2019 година, а во минатата година оваа манифестација не беше одржана поради епидемијата на Ковид-19.
Премиерот Зоран Заев преку својот Фејсбук профил вчера и даде поддршка на ЛГБТИ заедницата.
Денеска во Битола ќе се одржи контра-Парада на гордоста, исто како и во 2019 година.