(ФОТО) ЕЛИТАТА ПРИСТИГНУВА: Вака изгледа Давос каде се собираат светските лидери
Објавено во: Свет 23 Јануари, 2018
Во Швајцарија денес почна Светскиот економски форум, на кој повеќе од 3000 светски лидери и најбогати бизнисмени ќе расправаат за намалување на јазот меѓу богатите и сиромашните.
Вооружени чувари се наоѓаат на секој чекор, а репортери јавуват дека дури иако сте акредитирани, мора да поминете низ сложена безбедносна процедура за да влезете во комплексот.
Она , што исто така е многу впечатливо е дека снег го завеал Давос така што работниците со полна пареа ги чистат улиците и крововите.
Голем број делегати имале проблеми да стигнат до скијачкиот центар на Алпите. Една од главните железнички линии која води до градот е прекриена со снег, приморувајќи ги патниците да се префрлат на автобуси. Неколку состаноци кои се закажани во очи на форумот се откажани или одложени.
Организаторите се надеваат дека сообраќајот ќе се врати во нормала додека не дојде долгоочекуваниот гостин американскиот шеф Доналд Трамп.
Бидејќи паднало доста снег, опасноста од лавини и натаму постои.
Организаторите го искористиле снегот да ги забранат и протестите. Властите во Давос одбиле да прифатат барање на левичарски групи за одржување протести во текот на Светскиот економски форум поради обилни снежни врнежи.
Пред почетокот на состанокот Оксфам објави поразувачки извештај во кој се наведува дека имотот на 42 најбогати светски милијардери изнесува 1,1 билион долари, колку што има дури 3,7 милијарди најсиромашни луѓе на планетава.