Фото галерија: Дубровник за Нова година

Добивај вести на Viber

Дубровник е една од најпосакуваните летни дестинации во светската туристичка понуда. Особено му порасна популарноста по снимањето на сцени од епската серија „Игра на троновите“. Градот република, синоним за самобитност векови наназад, пандан на Млетската република, сојузник на Османлиската империја и на Австроунгарија, трговска престолнина на Јадранот, уникатен град со своја управа кој стотици години не се покорил на ниту еден голем европски владетел, а со секој од нив направил пакт давајќи му „понуда што не се одбива“.

Дубровник - уникатна светска културна престолнина на само 500 километри од Скопје. Град со сопствен жив дух, град што ќе ве фасцинира и освои на прва. Шеталиштето „Страдун“ со неговиот уникатен шарм, терасата на „Буза бар“ со поглед од милион долари на гребенот на источната ѕидина, аквариумот, пешачката тура по тврдината, возењето со жичницата. Греано вино, домашно пиво и колбаси, слатките „фритуле“ и задолжителната „орада“. 

Богата музичка разновидна програма во деновите до и на новогодишната ноќ и црешата на шлагот - концертот на дубровничкиот синфониски оркестар на 1 јануари кој ги собира на „Страдун“ дубровчани да танцуваат и си пожелуваат среќа и здравје во новата година.

Чист свеж морски воздух, топлина, море и сонце. Град што ќе ве освои со својата убавина и ќе ви ја раскаже својата приказна...