(ФОТО) Македонија го информираше грчкото МНР дека сите услови се исполнети
Објавено во: Македонија 17 Јануари, 2019
Македонија синоќа испрати нота до грчкото Министерство за надворешни работи, информирајќи дека ги исполнила сите легислативни услови што се бараат со договорот потпишан помеѓу Скопје и Атина за ставање крај на деценискиот спор околу името .
Белешката го отвора патот грчкиот парламент да расправа и да гласа за ратификувањето на Преспанскиот договорот, а со тоа и приемот на Македонија во НАТО.
Во нотата посебно е нагласено дека под поимот „македонско“ се мисли на државјанство, а не на етничка припадност и дека македонскиот јазик е признат како официјален на конгрес на ОН во Атина во 1977,
"Грчката страна е информирана дека Република Македонија ги исполни внатрешните законски услови потребни за влегување во сила на конечниот договор и дека на 11 јануари 2019 година, Собранието на Република Македонија ја донесе Одлуката за прогласување на амандманите XXXIII , XXXIV, XXXV, XXXVI во Уставот на Република Македонија и Одлуката за прогласување на уставниот закон за спроведување на амандманите XXXIII и XXXVI во Уставот на Република Македонија ", се вели во дипломатскиот допис.
Претходно вечерта, грчкиот премиер Алексис Ципрас ја сподели оваа вест во грчкиот парламент за време на тензичната дебата пред изгласувањето на доверба на грчката влада со 151 глас.