(ФОТО): Обновен стариот пат до Осоговскиот манастир, Николовски се пофали на фејсбук
Објавено во: Македонија 25 Мај, 2020
Генералниот секретар на СДСМ, а поранешен министер за земјоделство, Љупчо Николовски, на својот фејсбук профил објави фотографии од асфалтираниот пат до Осоговскиот манастрир.
Тој напиша дека ова било најавено уште во 2018 година, а сега и реализирано.
„Гледајќи ја пожртвуваноста и енергијата на Митрополитот на Кумановско-осоговска Епархија, Г. Јосиф, за развојот на нашето светилиште - Осоговскиот манастир во еден наш разговор во канцеларијата во министерството во 2018 год.(седејки странично од големата слика на манастирот што и денес се наоѓа на исто место ) го прашав што е тоа што може да помогнеме. Тогаш тој побара да го обновиме стариот пат до манастирот. Како и за сите други добрини си дадовме збор и за оваа работа. Епархијата го направи проектот и истиот го одобривме да биде финансиран и денес реализиран преку програмата за рурален развој на Министерството за земјоделство, шумарство и водостопанство“, вели Николовски.
Нека нашиот заштитик пружи мир, здравје, спокој, радост и добрина во секое семејство и за сите луѓе, завршува генералниот секретар на СДСМ.