(ФОТО) Шилегов: Скопските екипи спасуваат четири деца затрупани под урнатини по земјотресот
Објавено во: Балкан 27 Ноември, 2019
Албанија уште не може да си поверува на шокот кој го доживеа. Најсилниот земјотрес по 40 години ја погоди соседната земја. Штетите се големи, биланост на мртви брои над 20 загинати.
Македонија испрати спасувачки тимови кои ќе им помагаат на албанските екипи а пред малку скопскиот градоначалник преку социјалните медиуми информираше дека скопски екипи во моментов се во спасувачка акција.
„Скопските екипи во моментов работат на спасување на 6 луѓе, од кои 4 деца, кои се наоѓаат затрупани под 4 плочи во срушен објект.
Сериозни се тешкотиите со кои се соочуваат во обидот да се спасат овие луѓе. Искрено се надеваме на добар исход.“, пренесува Шилегов.
Инаку, тимови составени од 42 припадници на републичките сили за заштита и спасување, координирани од Дирекцијата за заштита и спасување, согласно одлуката на Владата, од вчера попладнето се во Албанија за да помогнат во спасувачките акции на локалните власти, соопшти владината прес служба.
Погледнете ја и оваа вест
(ФОТОГАЛЕРИЈА) Како македонските тимови помагаат по страшниот албански земјотрес