(ФОТО) Собранието „гори“ - специјалци се ракуваат со насилниците
Објавено во: Македонија 28 Април, 2017
И додека Собранието беше мета на демонстранти од граѓанската иницијатива „За заедничка Македонија“, специјалните единици наместо да воспостават ред тие пријателски настроени се однесуваа кон насилниците.
За ова севдочат фотографиите кои ги обиколија социјалните мрежи а на кои јасно се гледа дека припадник на специјалните сили се ракува и смешкајќи се поздравува со граѓани кои упаднаа во Законодавниот дом.
Полицијата не ја изврши достојно задача и потфрли, се дел од честите коментари на Фејсбук.
Дури и министерот рече дека ќе бара одговорност зошто полицијата не си ја завршила работата.
„Навремено беше формиран оперативен штаб кој функционира уште од почетокот на протестите, но полицијата не ја заврши работата“, рече Нухиу.
Полицијата повеќе може да се каже дека имаше симболчен настап. Воопшто не реагираше кога демонстрантите ја пробиваа оградата, кога влегоа внатре во Собранието и кога речиси непречени од никого удрија врз пратениците и новинарите, додека знаеја да тепаат студенти.