(ФОТО) Соседите во шок, раскажуваат стравични детали од несреќата кај Шабац: „Глетката беше морничава“
Објавено во: Балкан 28 Јули, 2019
Во тешката сообраќајна несреќа кај Шабац во селото Табановиќ вчера утрото загинале четири млади лица, а едно е повредено.
Соседите ги разбудил силниот удар во бетонскиот столб во кој автомобилот на крај удрил.
-Мене ме разбуди брат ми, тој прв го слушнал звукот. Јас го извадив акумулаторот од автомобилот да не се запали. Мртвите тела беа насекаде, од овде па дваесет метри понатаму, тоа беше се расфрлано. Една девојка лежеше таму, една овде. Двајца мртви имаше во автомобилот а единствено девојката која возела беше жива. Меѓутоа, таа е во шок, не знае каде се наоѓа. Тоа се деца од 18 до 20 години. Ужас-вели Милан Илиќ кој меѓу првите дотрчал да помогне, пренесуваат српски медиуми.
Како што се пишува до несреќата дошло кога автомобилот „форд фиеста“ излетал од патот и удрил во столб за јавно осветлување, а во смачканиот автомобил се наоѓале пет млади лица од 18 до 20 години. Четворица од нив биле од Мачвански Причиновиќ, додека една другарка од Шабац.
На местото на несреќата животот го загубиле три девојки и едно момче, додека 20 годишната девојка која го управувала возилото е повредена и префрлена во болницата во Шабац.
-Јас од силниот удар паднав од кревет, а подоцна, кога слушнав што се случило, не смеев да излезам надвор. Снаата и синот се обидеа да помогнат. Оваа девојка што преживеа, седеше овде. И донесов чаша вода а таа ми рече да идам да видам дали Сара е жива. Јас и велам дека не смеам од страв-раскажува Драгица И. пред чија куќа се случила несреќата.
-Катастрофа. Таму беше девојката, овде една рака. Таму во колата двајца мртви, што да кажам...-вели Милан Н.
Едната преживеана девојка, чија сестра загина во несреќата е во стабилна состојба.
Според неофицијални информации, се претпоставува дека причина за оваа трагедија е неприлагодена брзина а младите најверојатно се враќале од ноќна забава.