(ФОТО) СТАВЕНИ НОВИТЕ ТАБЛИ: Воинот на коњ стана историска фигура од Хеленската историја
Објавено во: Македонија 15 Август, 2019
Дел од спомениците од проектот „Скопје 2014“ денеска добија табли со објаснување.
Во центарот на Скопје, на плоштад Македонија се поставени нови табли под фигурите на Воинот на коњ, како и под споменикот на Олимпија и Филип Втори.
Таблите се со појаснителни реченици на кои пишува од каде потекнуваат спомениците.
Па така, од денеска натаму под споменикот на Воинот на коњ туристите ќе читаат дека тој е историска фигура во чест на Александар Велики која и припаѓа а на античката Хеленска историја и цивилизација и на светското културно и историско наследство.
„Овде е претставен како воин на коњ“ , стои како последна реченица на таблата.
Исто такви табли се поставени и на спомениците на Филип Втори и Олимпија.
Имено, како што беше наложено и сонцето од Вергина е тргнато од шахтите во Скопје.