(ФОТО) Зошто Ајнштајн е со исплазен јазик и како настанала една од неговите најпознати фотографии?
Објавено во: Стил 01 Мај, 2018
Сигурни сме дека досега сте ја забележале фотографијата на славниот физичар Алберт Ајнштајн - онаа со исплазен јазик.
Овде не се работи за монтажа, фотографијата е автентична. А како настанала?
Пријателите и колеги на Алберт Ајнштајн приредиле прослава на 14 март 1951 година во Принстон клуб, по повод неговиот 72 роденден. На прославата стигнале бројни гости, како и фотографи и медиуми.
Како што одминувала прославата Алберт бил прилично изморен, но ја извршувал должноста и ѝм позирал на фоторепортерите.
На крајот еден негов пријател се понудил да го однесе дома од прославата. И токму кога влегувал во возилото еден фоторепортер извикал:
„Може ли уште една фотографија!“
Фотографот Артур Сејс раскажал дека Ајнштајн после тоа се свртел и му го покажал јазикот , а тој направил фотографија која станала позната.
Фотографијата му се допаднала и на самиот Ајнштајн, кој од фотографот нарачал дури девет примероци. Некои од нив ги искористил за праќање честитки.
#Albert #Einstein sticking out his #tongue, captured by the photographer #Arthur #Sasse. 1951 pic.twitter.com/0bBTcB6jZ8
— Historystack (@historystack) January 25, 2016