Фотогалерија: Шилегов го почна отстранувањето на една галија во Вардар
Објавено во: Македонија 05 Април, 2021
Градоначалникот Петре Шилегов и лично дојде на стартот на отстранувањето на галијата во реката Вардар кај хотелот „Холидеј ин“.
Галијата ја отстрануваат екипи од ЈП „Улици и патишта“. Договорот со сопственикот беше раскинат поради то ашто не плаќал кирија од 64.999 денари веќе четири месеци.
- Станува збор за целосно демонтирање, вадење прво на движните ствари кои што се наоѓаат внатре, а потоа демонтажа и на самата галија. Со ова, како континуитет на политиките што јас ги креирам како градоначалник, започнуваме со поизразено расчистување со криминалниот и подмолниот проект „Скопје 2014“. Овие галии не се само надвор од здравата естетика, тие се и опасност за граѓаните на Скопје, имајќи предвид дека сите анализи што ги направи Градот од една страна, но и според студијата на УНДП, зборуваат дека галиите во коритото на реката Вардар претставуваат сериозна опасност од поплави кои може да нанесат сериозна материјална штета и да ги загрозат животите на скопјани – рече градоначалникот Шилегов.
Според студијата за намалување на ризикот од
поплави која ја изготви УНДП заедно со Град Скопје и Центарот за управување со
кризи, во Вардар не треба да се градат насипи, прегради и други објекти, а галиите
за третина ја намалиле проточноста на реката.