(ФОТО+ВИДЕО) Еве како ширум светот се слави Божиќ
Објавено во: Свет 07 Јануари, 2019
Милиони христијани денеска во 16 земји во светот, кои го следат јулијанскиот календар, го празнуваат Божиќ.
Најмасовна прослава имаше во Москва, каде централната богослужба се одржа во катедралата Христос Спасител. Таму во присуство на рускиот претседател Владимир Путин, Патријархот Московски и на цела Русија Кирил ја одбележа божиќната литургија.
Илјадници христијани Божиќ го одбележаа и во Витлеем, во црквата на Христовото раѓање, за која се верува дека е изградена на местото кое традиционално се препознава како место на раѓање на Исус Христос.
Во Египет, претседателот Ахмед Фатах Ел Сиси ја отвори најголемата црква за коптските христијани во земјата, испраќајќи пораки за мир и благосостојба на сите Египќани. Верниците во Каиро и Александрија ги наполнија црквите и покрај заканите за терористички напади, и смртта на египетски полицаец, обидувајќи се да деактивира експлозивна направа пред една од црквите.
Во единствената православна држава на африканскиот континент Етиопија, чествувањето и оваа година традиционално е во најголемиот христијански центар, градот Аксум. Тој е познат по бројните цркви изградени од камен.
Божиќ се празнува и во Сирија. Православните христијани и покрај војната која неколку години по ред беснее во државата, ги наполнија црквите во главниот град Дамаск.
Во многу земји за Божиќ поворката поминува покрај езеро, море, река.
фото AP/EPA