(ФОТО+ВИДЕО) НАСИЛНИ СУДИРИ ВО БЕЈРУТ: Демонстрациите излегоа од контрола
Објавено во: Свет 15 Декември, 2019
Кулминираа немирите во Бејрут при што полицијата употреби гумени куршими и солзавец.
Либанските безбедносни сили со водени топови ги растерувале демонстрантите од централниот дел на Бејрут, јавуваат агенциите.
Ова се најжестоките судири од почетокот на антивладините протести во Либан пред два месеци.
Повеќе од 40 демонстранти се ранети.
Лидерот на партијата Сами Дјамаел се појави на локалните телевизии во обид да ги заштити демонстрантите.
Насилството изби само два дена пред почетокот на разговорите на либанскиот претседател со различни парламентарни блокови со цел именување нов премиер.
Владата предводена од премиерот Саад Харири поднесе оставка на 29 октомври, две недели по почетокот на протестите низ земјата.
Либан се соочува со една од најлошите економски кризи по повеќе децении и демонстрантите ја обвинуваат политичката елита која е на власт три децении за лошо раководење и корупција.