(ФОТО+ВИДЕО) Осум држави погодени од 52 торнада
Објавено во: Свет 28 Мај, 2019
Повеќе од 52 торнада зафатија осум држави во САД.
Американската Национална администрација за океан и атмосфера (НОАА) објави денеска дека прелиминарниот извештај за бури покажува дека 52 торнада се регистрирани вчера во осум држави во САД.
Во извештајот се констатира дека „брановите тешко време“ го зафатиле централниот дел на земјата, при што 14 торнада имало во Индијана, 10 во Колорадо, девет во Охајо, шест во Ајова, пет во Небраска, четири во Илионис, три во Минесота и еден во Ајдахо.
Торнадото уништи и сруши дрва во Дејтон. Во бурата искорнати се и неколку кровови од станбени згради во Тротвуд.
Најмалку две лица загинаа, некои беа повредени, а материјалната штета е огромна откако торнадо го погоди градот Ел Рено во Оклахома.
Претседателот Доналд Трамп денеска на Твитер најави ослободување на созјузните средства за расчистување на нередот. Некои делови на Охајо, во центарот на САД, исто така се под закана на подигнување на нивото на водата.