(ФОТО+ВИДЕО) Поплави „покосија“ две европски земји - загинаа над 10 луѓе
Објавено во: Свет 15 Октомври, 2018
Во две европски земји има големи поплави.
Најмалку 10 луѓе загинаа, а осум се со сериозни повреди како последица на поплавите по силниот дожд во францускиот југозападен регион Од. Сите училишта во регионот се затворени, а жителите се предупредени да останат дома. Поради обилните врнежи блокирани се патиштата. Властите велат дека ги евакуирале луѓето кои биле заробени на покривите.
Владината служба за предупредување од поплави објави дека овие поплави се најлошите што го погодиле регионот во изминатиот век. Водата во градот Треб достигнала 7 метри, највисоко ниво забележано од 1891 година наваму.
Во Норвешка, неколку жители на зафрлените делови, зафатени со поплавите се префрлени со хеликоптери до прифатните центри. Силните дождови и топењето на снегот вчера предизвикаа излевање на реките во регионите Опланд, Сог ог Фјордан и Хордаланд.
Од петокот до денеска во некои области наврнаа и 182 литри воден талог на метар квадратен. Најмногу штета е направена во областа Опланд каде се поплавени куќи и улици.