Франција има адути за надминување на кризата
Објавено во: Свет 03 Јуни, 2013
Повеќе од половината Французи или 54 отсто, оценуваат дека Франција располага со адути кои ќе и овозможат да ја надмине економската криза.
Според испитувањето на институтот ЦСА за приватното радио РТЛ, 45 отсто од испитаниците се на мислење дека капацитетите на Франција да ја надмине кризата се должат најмногу на нејзината туристичка атрактивност и на потенцијалот на нејзините компани-лидери на меѓународен план.
Дури 35 проценти од анкетираните капацитетите за излез од кризата ги гледаат во модата и луксузот и 33 отсто поради нејзината географска положба во Европа.
Истовремено 72 отсто од испитаните Французи оценуваат дека на нивната земја и недостасува самодоверба,.
Меѓу тие кои најмногу веруваат дека земјата е способна да ја надмине кризата се мажите (61 отсто), следени од лицата на возраст од 50 до 64 години (60 проценти) и младите на возраст од 25 до 34 години (58 отсто).
Во однос на гласањето од првиот круг на претседателските избори во 2012 година, повеќе од две третини од лицата кои гласале за кандидатот на екстремната левица Жан-Лук Меланшон (69 проценти) и за актуелниот претседател Франсоа Оланд (71 отсто), оценуваат дека Франција има адути да ја надмине кризата, додека кај избирачите на Никола Саркози нивниот процент е само 56.