ФРАНЦИЈА НА НОЗЕ: Му порачаа на Макрон да се откаже од реформите во пензискиот систем
Објавено во: Свет 06 Декември, 2019
Поради штрајк во Франција, возовите се заглавени, а Версај е затворен. Транспортот веќе втор ден е во хаос, а синдикатите се надеваат дека претстои долготраен штрајк против плановите на претседателот Емануел Макрон за реформи на пензискиот систем. Замокот Версај втор ден е затворен поради штрајкот, а музејот Лувр ги предупреди посетителите да очекуваат одложувања и затворања на галериите.
Ајфеловата кула денеска повторно е отворена по вчерашното затворање.
Синдикатите го објавија плановите на нов национален „интер-генерациски“ протест во вторник против реформите кои велат дека се напад врз тешко освоените работнички права. Најмалку 800.000 луѓе, стари и млади, вчера излегоа на протестен марш, а штрајкот ги затвори училиштата, некои јавни служби и ја наруши работата на болниците и рафинериите. Полицијата во неколку наврати употреби солзавец, а демонстрантите запалија огнови во источен Париз.
Медицинските работници, железничките работници и наставниците, како и противниците на владата ги поддржуваат синдикатите. .
Намерата на Макрон е да се поедностави пензискиот систем, според кој има повеќе од 40 основи за пензија. Со тоа се предвидува работниците во железница или маринците можат да заминат во пензија 10 години пред просечниот работник.
Макрон изјави дека системот не е праведен и дека чини премногу поради што Французите мора да работат подолго.
Повеќе од две децении немало вакви масовни протести во Франција. Вчера протестираа 500.000 при што се судрија со полицијата.