Добивај вести на Viber
Франција ќе воведе нов вид „зелен“ данок, најави министерот за енергетика, Филип Мартин, не наведувајќи поединости. Извори во владата велат дека ваквиот данок, најверојатно ќе биде ограничен и дека првата година, 2014, многу малку или речиси нема да влијае на француските потрошувачи и компании.
Министерот Мартин посочи дека вчера премиерот ја донел одлуката за „климатски енергетски допринос“.
Уставниот суд во 2009 година го блокираше обидот на поранешниот фрнацуски претседател, Никола Cаркози, да воведе данок на јаглен. Данокот требаше да изнесува 17 евра по метрички тон емитиран јаглен диоксид и да се зголеми со текот на времето, што конечно би резултирало со поскапо гориво, греење и производство.