Фрчковски: Брз импичмент и судење на претседателот
Објавено во: Македонија 06 Декември, 2018
Брз импичмент и судење на претседателот, според професорот Љубомир Фрчковски може да се случи по расплет на настаните од 17 април и ако се утврди дека и Ѓорѓе Иванов бил вмешан во сценариото за прогласување воена состојба.
Oва тој го изјави вечерва во Анализа на ТВ 24.
Тој вели дека ако Албанците кои наводно биле наоружани и го поминеле мостот, работата би отишла предалеку, но смета дека Американците интервенирале во последен момент.
Вели дека имало луѓе кои биле плаќани на најнизок можен начин, за да потпалуваат. Смета дека врвот на криминалното гнездо мора да се изведе пред лицето на правдата, кое подготвувало монструозно сценарио за државен удар.
Поранешниот министер за здравство, Имер Селмани пак смета дека по бегството на екс премиерот, Никола Груевски луѓето се охрабрени и со сведочењата многу работи ќе излезат на виделина.