ФРОДЕМ ги повика вистинските десничари да не го цепкаат опозицискиот блок поради суети
Објавено во: Македонија 23 Октомври, 2016
Движењето „Фродем“ кое се труди да прерасне во глаен предводник на десно ориентираните опозициски партии повика поради лични суети и ситни интереси да не дозволи расцепкување на десниот опозициски блок кој ќе мора многу силно да нападне на денот на изборите. Со тоа може да се доведе во прашање победата и гласачката волја на мнозинството опозициско ориентирани граѓани, се наведува во соопштението на Фродем.
„Времето е кратко. Поправен испит нема. Јасни се аналитичките показателите каков треба да е патот до победата и падот на режимот наспроти повредената суета на одредени партиски лидери и нивните индивидуални егоистички математики. Одговорноста е огромна како кај централно-десничарскиот блок така и кај најголемиот опозиционен блок предводен од СДСМ. Затоа, природно е заедничката антирежимска борба, но уште поприродно е секој блок да се обрати до своето гласачко тело, како нашиот центално-десничарски, така и левичарскиот блок. Волјата и определеноста на опозиционите центро-десничарски гласачи е сосема јасна“, се наведува во соопштението.
Фродем не ја испушти и можноста на граѓаните да им го честита празникот „23 октомври“ како ден на Македонската револуционерна борба.