Гацов до Царовска: Министерке разбудете го Трудовиот инспекторат
Објавено во: Македонија 25 Мај, 2019
Даночниот експерт Павле Гацов на социјалните мрежи со пофален коментар за актуелната министерка за труд и социјала.
Тој и симнува капа за правата кои се донесени за луѓето со посебни потреби а меѓудругото пишува и дека е потребно искоренување на работењето без социјално осигурување (на црно), неплаќањето на прекувремената работа, анулирањето на евидентираното работно време, по истекот на официјалното работно време, неплаќањето на работата на ден на неделен одмор, на празник,работењето без ден на неделен одмор, давањето годишен одмор од само 5, односно 10 работни денови, казнувањето без причина, недавањето на половина час дневна пауза...
„Министерката за труд е најдобриот министер на сите времиња во делот на социјалата и правата на луѓето со посебни потреби. Респект и капата долу.
Истиот жар и енергија е потребно да се вложи и во делот на правата од работен однос.
Да се искорени: работењето без социјално осигурување (на црно), неплаќањето на прекувремената работа, анулирањето на евидентираното работно време, по истекот на официјалното работно време, неплаќањето на работата на ден на неделен одмор, на празник,работењето без ден на неделен одмор, давањето годишен одмор од само 5, односно 10 работни денови, казнувањето без причина, недавањето на половина час дневна пауза...
Министерке покажете дека можете да ги подобрите состојбите и во овој дел на вашите службени ингеренции... формирајте тим за дневно следење на состојбите, разбудете го Трудовиот инспекторат..., лоцирајте ги главните негативни појави, овозможете анонимно пријавување, опоменувајте а потоа и казнувајте...
Сивата економија не е само неплаќање даноци и неиздавање на фискални сметки, нејзина главна манифестација е работењето на црно....“ , пишува Гацов на Фејсбук.