Ганка Цветанова за синот на Силјановска: Самоумислената „елита” се потсмева и ги омаловажува оние кои решиле да бидат свои
Објавено во: Македонија 22 Март, 2019
Ганка Цветанова, поранешната министерка за култура даде поддршка на кандидатката за претседател, Гордана Силјановска Давкова, откако на социјалните мрежи се пишуваше за синот на Силјановска кој свирел на кавал, а прилогот го давал за сиромашните.
„Кога самоумислената „елита” се потсмева и ги омаловажува оние кои решиле да бидат свои, а да не го живеат животот според квазиелитистичките стандарди, тоа не е ни срамно ни долно. Тоа е веќе жално. Респект за сите кои се во допир со музиката и природата“, напиша Цветанова на Твитер.
Силјановска претходно се огласи на Фејсбук и побара нејзиниот син да го остават на мир и да не го злоупотребуваат во политичката кампања, откако на социјалните мрежи се појави фотографија како во парк свири на кавал и собира добротворен прилог.